میرپور ڈویژن انتخابات: ن لیگ 7 نشستوں پر کامیاب، پیپلز پارٹی نے 4 نشستیں جیت لیں

آزاد کشمیر قانون ساز اسمبلی کے انتخابات کے پہلے مرحلے میں میرپور ڈویژن کے 13 حلقوں میں ہونے والی پولنگ کے بعد 11 حلقوں کے غیر حتمی اور غیر سرکاری نتائج سامنے آ گئے ہیں۔ نتائج کے مطابق مسلم لیگ (ن) نے 7 نشستوں پر کامیابی حاصل کی ہے، جبکہ پاکستان پیپلز پارٹی 4 نشستیں جیتنے میں کامیاب رہی ہے۔ دو حلقوں کے نتائج تاحال مکمل نہیں ہوئے۔

میرپور، بھمبر اور کوٹلی کے 13 حلقوں میں ووٹنگ صبح سے شام 5 بجے تک جاری رہی، تاہم پولنگ اسٹیشنز پر موجود ووٹرز کو ووٹ ڈالنے کے لیے ایک گھنٹے کی اضافی مہلت دی گئی، جس کے بعد ووٹوں کی گنتی کا عمل شروع ہوا۔

میرپور کے نتائج

حلقہ ایل اے 1 میرپور 1 میں مسلم لیگ (ن) کے اظہر صادق نے 15,427 ووٹ حاصل کر کے کامیابی حاصل کی، جبکہ پاکستان پیپلز پارٹی کے محمد افسر شاہد 9,832 ووٹ لے کر دوسرے نمبر پر رہے۔

ایل اے 2 میرپور 2 میں پاکستان پیپلز پارٹی کے قاسم مجید 12,904 ووٹ لے کر کامیاب قرار پائے، جبکہ مسلم لیگ (ن) کے عظیم بخش چوہدری نے 8,182 ووٹ حاصل کیے۔

ایل اے 3 میرپور 3 میں پیپلز پارٹی کے چوہدری یاسر سلطان 11,676 ووٹ لے کر کامیاب ہوئے، جبکہ مسلم لیگ (ن) کے چوہدری محمد سعید 9,832 ووٹ کے ساتھ دوسرے نمبر پر رہے۔

ایل اے 4 میرپور 4 میں مسلم لیگ (ن) کے چوہدری رخسار احمد نے 20,172 ووٹ حاصل کر کے میدان مار لیا، جبکہ پیپلز پارٹی کے چوہدری صہیب ارشد 13,865 ووٹ لے کر دوسرے نمبر پر رہے۔

بھمبر کے نتائج

ایل اے 5 بھمبر 1 میں مسلم لیگ (ن) کے وقار احمد نور 29,875 ووٹ حاصل کر کے کامیاب ہوئے، جبکہ پیپلز پارٹی کے چوہدری پرویز اشرف 29,143 ووٹ لے کر دوسرے نمبر پر رہے۔

ایل اے 6 بھمبر 2 کے 195 میں سے 100 پولنگ اسٹیشنز کے غیر حتمی نتائج کے مطابق مسلم لیگ (ن) کے چوہدری محمد رزاق 21,210 ووٹ کے ساتھ آگے ہیں، جبکہ استحکام پاکستان پارٹی کے علی شان چوہدری 11,354 ووٹ لے کر دوسرے نمبر پر موجود ہیں۔

ایل اے 7 بھمبر 3 میں مسلم لیگ (ن) کے چوہدری طارق فاروق 35,490 ووٹ حاصل کر کے کامیاب قرار پائے، جبکہ آزاد امیدوار چوہدری انوار الحق 25,100 ووٹ لے کر دوسرے نمبر پر رہے۔

کوٹلی کے نتائج

ایل اے 8 کوٹلی 1 میں پاکستان پیپلز پارٹی کے ظفر اقبال ملک نے 19,535 ووٹ حاصل کر کے کامیابی حاصل کی، جبکہ مسلم لیگ (ن) کے ملک محمد نواز خان 11,966 ووٹ کے ساتھ دوسرے نمبر پر رہے۔

ایل اے 9 کوٹلی 2 میں مسلم لیگ (ن) کے عمیر نعیم 31,080 ووٹ لے کر کامیاب ہوئے، جبکہ پیپلز پارٹی کے جاوید اقبال بڈھانوی نے 28,509 ووٹ حاصل کیے۔

ایل اے 10 کوٹلی 3 کے 169 میں سے 36 پولنگ اسٹیشنز کے نتائج کے مطابق پیپلز پارٹی کے چوہدری محمد یاسین 6,999 ووٹ کے ساتھ آگے ہیں، جبکہ مسلم لیگ (ن) کے فتح محمود الحسن 3,560 ووٹ لے کر دوسرے نمبر پر ہیں۔

ایل اے 11 کوٹلی 4 میں مسلم لیگ (ن) کے محمد آصف 26,190 ووٹ لے کر کامیاب ہوئے، جبکہ پیپلز پارٹی کے چوہدری محمد اخلاق 21,751 ووٹ حاصل کر سکے۔

ایل اے 12 کوٹلی 5 میں مسلم لیگ (ن) کے محمد ریاست خان نے 35,168 ووٹ حاصل کر کے کامیابی حاصل کی، جبکہ پیپلز پارٹی کے چوہدری محمد یاسین 30,320 ووٹ لے کر دوسرے نمبر پر رہے۔

ایل اے 13 کوٹلی 6 میں مسلم لیگ (ن) کے راجہ ایاز احمد خان 21,856 ووٹ لے کر کامیاب قرار پائے، جبکہ استحکام پاکستان پارٹی کے نثار انصار ابدالی نے 15,859 ووٹ حاصل کیے۔