ویلڈن گرین شرٹس، ویلڈن فخر زمان! ٹرائی نیشن سیریز کا فائنل جیتنے پر محسن نقوی کی قومی ٹیم کو مبارکباد

محسن نقوی نے اپنے پیغام میں کہا کہ ویلڈن گرین شرٹس، ویلڈن فخر زمان! پاکستانی کھلاڑیوں نے فائنل میں سری لنکا کو آؤٹ کلاس کرتے ہوئے کامیابی اپنے نام کی۔

چیئرمین پی سی بی کے مطابق فخر زمان، عرفات منہاس اور سعد بیگ کی جارحانہ بیٹنگ نے فتح میں نمایاں کردار ادا کیا، جبکہ پوری ٹیم نے بہترین ٹیم ورک، نظم و ضبط اور شاندار مہارت کا مظاہرہ کیا۔

محسن نقوی نے کہا کہ کھلاڑیوں نے ثابت کیا ہے کہ جذبے، لگن اور عزم کے ساتھ کھیلنے سے کامیابی حاصل ہوتی ہے۔ یہ فتح کھلاڑیوں اور ٹیم مینجمنٹ کی سخت محنت کا نتیجہ ہے۔

انہوں نے امید ظاہر کی کہ قومی ٹیم اپنی کارکردگی کا یہ تسلسل برقرار رکھتے ہوئے مستقبل میں بھی مزید کامیابیاں حاصل کرے گی۔