پٹرول اور ڈیزل کی قیمتوں میں کمی، حکومت نے عوام کو ریلیف دے دیا

حکومت نے عوام کے لیے پٹرولیم مصنوعات کی قیمتوں میں کمی کا اعلان کرتے ہوئے پٹرول اور ڈیزل سستا کر دیا ہے۔

رپورٹس کے مطابق آئندہ ایک ہفتے کے لیے پٹرول کی قیمت میں 4 روپے فی لیٹر کمی کی گئی ہے، جس کے بعد پٹرول کی نئی قیمت 373 روپے 78 پیسے فی لیٹر مقرر کر دی گئی ہے۔

دوسری جانب ہائی اسپیڈ ڈیزل کی قیمت میں بھی 2 روپے فی لیٹر کمی کی گئی ہے۔ نئی قیمت کے مطابق ڈیزل 378 روپے 78 پیسے فی لیٹر میں دستیاب ہوگا۔

حکومت کی جانب سے جاری کردہ فیصلے کے مطابق نئی قیمتوں کا اطلاق آج رات 12 بجے سے ہوگا، جبکہ پٹرولیم مصنوعات کی قیمتوں میں ردوبدل کا باقاعدہ نوٹیفکیشن بھی جاری کر دیا گیا ہے۔

ماہرین کے مطابق پٹرولیم مصنوعات کی قیمتوں میں کمی سے ٹرانسپورٹ اور دیگر شعبوں پر مثبت اثرات مرتب ہونے کی توقع ہے، جبکہ عوام کو بھی کچھ مالی ریلیف ملے گا۔

واضح رہے کہ پٹرولیم مصنوعات کی قیمتوں میں ردوبدل عالمی منڈی میں خام تیل کی قیمتوں اور مقامی معاشی عوامل کو مدنظر رکھتے ہوئے کیا جاتا ہے۔