ریڈیو پاکستان کیس، پولیس رپورٹ میں سہیل آفریدی کے ملوث ہونے کی تصدیق
ریڈیو پاکستان حملہ کیس میں اہم پیش رفت، پشاور کی انسداد دہشت گردی عدالت میں پولیس نے تفتیشی رپورٹ جمع کرا دی۔ رپورٹ میں وزیراعلیٰ خیبرپختونخوا سہیل آفریدی کے کیس میں ملوث ہونے کی تصدیق کا دعویٰ کیا گیا ہے۔ پنجاب فرانزک سائنس ایجنسی کی رپورٹس بھی عدالت میں پیش کردی گئیں، جبکہ مزید رپورٹس کی روشنی میں فریقین کے دلائل 14 ستمبر 2026 کو سنے جائیں گے
پشاور کی انسدادِ دہشت گردی عدالت میں ریڈیو پاکستان حملہ کیس کی سماعت ہوئی، جہاں پولیس نے تفتیشی رپورٹ عدالت میں جمع کرا دی۔ رپورٹ کے مطابق وزیراعلیٰ خیبرپختونخوا سہیل آفریدی کے کیس میں ملوث ہونے کی تصدیق کی گئی ہے۔
ذرائع کے مطابق پولیس نے پنجاب فرانزک سائنس ایجنسی کی رپورٹس بھی عدالت میں پیش کر دیں، جبکہ دیگر سرکاری محکموں کی رپورٹس اور فرانزک شواہد کی روشنی میں آئندہ سماعت پر فریقین کے دلائل سنے جائیں گے۔
ذرائع کا کہنا ہے کہ پولیس رپورٹ عدالت میں جمع کرانے میں تاخیر ہوئی اور اعلیٰ پولیس حکام کی ہدایت پر اسے پیش کیا گیا۔ عدالت نے پولیس رپورٹ پر فریقین کے دلائل کے لیے سماعت 14 ستمبر 2026 تک ملتوی کر دی۔
شائع ہوا: 12 ستمبر، 2026 کو 11:21 AM
آخری تدوین: 12 ستمبر، 2026
