وائسز آف امریکا
تازہ خبریں
پاکستان

مذاکرات میں ڈیڈلاک، لانگ مارچ کا جواب ایمرجنسی یا گورنر راج نہیں ہونا چاہیے: بیرسٹر گوہر

W
Web Desk
4 اکتوبر، 2026
مذاکرات میں ڈیڈلاک، لانگ مارچ کا جواب ایمرجنسی یا گورنر راج نہیں ہونا چاہیے: بیرسٹر گوہر

حکومت اور پی ٹی آئی کے مذاکرات میں ڈیڈلاک برقرار ہے۔ بیرسٹر گوہر نے کہا کہ لانگ مارچ شیڈول کے مطابق ہوگا جبکہ صوبائی حقوق اور خیبر پختونخوا کے مینڈیٹ کے خلاف کسی اقدام کی گنجائش نہیں

اسلام آباد: حکومت اور تحریک انصاف کے درمیان مذاکرات میں ڈیڈلاک کے بعد چیئرمین پی ٹی آئی بیرسٹر گوہر علی خان نے کہا ہے کہ ان کی جماعت مذاکرات کی کامیابی کی خواہاں تھی، تاہم فریقین تاحال بات چیت کے اگلے مرحلے کے انعقاد کی تاریخ طے نہیں کر سکے۔

میڈیا سے گفتگو کرتے ہوئے بیرسٹر گوہر علی خان نے کہا کہ تحریک انصاف کا لانگ مارچ اپنے شیڈول کے مطابق ہوگا اور لانگ مارچ کرنا ان کی جماعت کا حق ہے۔

انہوں نے کہا کہ لانگ مارچ کی آڑ میں ایسے اقدامات نہیں کیے جانے چاہئیں جن سے خیبر پختونخوا کے عوام میں نفرت، تقسیم یا تناؤ پیدا ہو۔ ان کے مطابق صوبے کے مینڈیٹ، خودمختاری اور اختیارات کو متاثر کرنے والے اقدامات سے گریز کیا جانا چاہیے۔

بیرسٹر گوہر نے مزید کہا کہ صوبائی حقوق اور عوامی مینڈیٹ کے خلاف کسی اقدام کی گنجائش نہیں، جبکہ ایسے اقدامات اٹھارویں آئینی ترمیم کی روح سے بھی متصادم ہوں گے۔

چیئرمین پی ٹی آئی کا کہنا تھا کہ لانگ مارچ کا جواب ایمرجنسی یا گورنر راج کی صورت میں نہیں ہونا چاہیے۔ انہوں نے واضح کیا کہ حکومت اور تحریک انصاف کے وفود کے درمیان مذاکرات کا اگلا دور کب ہوگا، اس بارے میں تاحال کوئی حتمی فیصلہ نہیں ہوا۔

دوسری جانب وفاقی وزیر طلال چوہدری نے مذاکرات کے حوالے سے مختلف مؤقف پیش کرتے ہوئے دعویٰ کیا کہ بات چیت کے دوران متعدد معاملات پر اتفاق رائے پیدا ہو گیا تھا، تاہم خیبر پختونخوا کی قیادت کی ہدایات پر مذاکراتی مسودے میں بار بار تبدیلی کی جاتی رہی۔

طلال چوہدری کے مطابق صوبائی حکومت نیشنل ایکشن پلان پر عمل درآمد کے لیے تیار نہیں، جس کے باعث مذاکرات میں پیش رفت نہیں ہو سکی۔

یوں حکومت اور تحریک انصاف کے درمیان مذاکرات کے اگلے مرحلے کے حوالے سے صورتحال تاحال غیر واضح ہے، جبکہ دونوں جانب سے مذاکرات میں تعطل کی مختلف وجوہات بیان کی جا رہی ہیں۔

شیئر کریں:
W
Web Desk

Media Channel

شائع ہوا: 4 اکتوبر، 2026 کو 06:56 AM

آخری تدوین: 4 اکتوبر، 2026

متعلقہ مضامین

پی ٹی آئی رہنما آپس میں دست وگریباں، یہ عمران خان کو کیا رہا کرائیں گے؟ خواجہ آصف
پاکستان

پی ٹی آئی رہنما آپس میں دست وگریباں، یہ عمران خان کو کیا رہا کرائیں گے؟ خواجہ آصف

وزیر دفاع خواجہ آصف نے لطیف کھوسہ اور سلمان اکرم راجہ کے بیانات پر ردعمل دیتے ہوئے پی ٹی آئی قیادت کو تنقید کا نشانہ بنایا۔ کہا پوری پارٹی دست وگریباں ہے، یہ عمران خان کو کیا رہا کرائیں گے؟

Web Desk17 نومبر، 2026
اسلام آباد: سینئر پولیس افسر کے گھر کام کرنے والی 13 سالہ فاطمہ کی موت تشدد کے باعث ہوئی
پاکستان

اسلام آباد: سینئر پولیس افسر کے گھر کام کرنے والی 13 سالہ فاطمہ کی موت تشدد کے باعث ہوئی

اسلام آباد میں سینئر پولیس افسر کے گھر کام کرنے والی 13 سالہ فاطمہ اصغر کی ابتدائی پوسٹ مارٹم رپورٹ سامنے آگئی۔ رپورٹ کے مطابق تشدد سے شدید سوزش، خون کے لوتھڑے اور کارڈیو پلمونری اریسٹ موت کی وجہ بنے۔ پولیس نے مبینہ تشدد میں استعمال ہونے والی استری اور ڈنڈا بھی برآمد کرلیا

Web Desk17 نومبر، 2026
فیلڈ مارشل سے برطانوی فوج کے سربراہ کی ملاقات، فوجی تعاون مزید بڑھانے کا عزم
پاکستان

فیلڈ مارشل سے برطانوی فوج کے سربراہ کی ملاقات، فوجی تعاون مزید بڑھانے کا عزم

چیف آف ڈیفنس فورسز فیلڈ مارشل عاصم منیر سے برطانوی چیف آف جنرل سٹاف جنرل چارلس رولینڈ واکر نے ملاقات کی جس میں فوجی تعاون مزید مستحکم کرنے کے عزم کا اعادہ کیا گیا

Web Desk17 نومبر، 2026