وائسز آف امریکا
تازہ خبریں
تازہ ترین

معروف بھارتی اداکار نانا پاٹیکر 75 برس کی عمر میں انتقال کر گئے

W
Web Desk
8 اکتوبر، 2026
معروف بھارتی اداکار نانا پاٹیکر 75 برس کی عمر میں انتقال کر گئے

بالی ووڈ کے معروف اداکار و فلمساز نانا پاٹیکر 75 برس کی عمر میں گوا میں انتقال کر گئے۔ انہیں دل کا دورہ پڑنے کے بعد اسپتال منتقل کیا گیا، جہاں ڈاکٹروں نے تقریباً 45 منٹ تک سی پی آر کے ذریعے بچانے کی کوشش کی، تاہم وہ جانبر نہ ہوسکے

ممبئی: بالی ووڈ اور مراٹھی فلموں کے معروف اداکار و فلمساز نانا پاٹیکر 75 برس کی عمر میں انتقال کر گئے۔ وہ جمعرات کی صبح گوا میں اپنی رہائش گاہ پر دل کا دورہ پڑنے کے بعد بے ہوش ہوگئے تھے۔

بھارتی میڈیا کے مطابق نانا پاٹیکر کو تشویش ناک حالت میں گوا کے منی پال اسپتال منتقل کیا گیا، جہاں ڈاکٹروں نے تقریباً 45 منٹ تک مسلسل سی پی آر کے ذریعے انہیں بچانے کی کوشش کی، تاہم وہ جانبر نہ ہوسکے۔ انہیں صبح تقریباً 5 بج کر 20 منٹ پر مردہ قرار دیا گیا۔

نانا پاٹیکر نے 1978 میں فلم ’گمن‘ سے اپنے فلمی کیریئر کا آغاز کیا اور تقریباً پانچ دہائیوں تک بھارتی سنیما سے وابستہ رہے۔ وہ ہندی اور مراٹھی فلموں میں اپنی منفرد اداکاری اور جاندار مکالموں کی ادائیگی کے لیے شہرت رکھتے تھے۔

انہوں نے ’پرندہ‘، ’کرانتی ویر‘، ’ویلکم‘، ’اب تک چھپن‘ اور دیگر متعدد کامیاب فلموں میں اہم کردار ادا کیے۔ انہیں اپنی اداکاری پر تین نیشنل فلم ایوارڈز سے نوازا گیا، جبکہ 2013 میں انہیں بھارتی حکومت کی جانب سے پدم شری اعزاز بھی دیا گیا۔

نانا پاٹیکر کے انتقال کی خبر سامنے آنے کے بعد بھارتی فلم انڈسٹری میں سوگ کی فضا ہے اور فلمی شخصیات سمیت مختلف حلقوں کی جانب سے انہیں خراجِ عقیدت پیش کیا جارہا ہے۔

شیئر کریں:
W
Web Desk

Media Channel

شائع ہوا: 8 اکتوبر، 2026 کو 05:52 AM

آخری تدوین: 8 اکتوبر، 2026

متعلقہ مضامین

قطر اور جرمنی کا ایران سے حوثیوں کی حمایت ختم کرنے اور جوہری شفافیت بڑھانے کا مطالبہ
تازہ ترین

قطر اور جرمنی کا ایران سے حوثیوں کی حمایت ختم کرنے اور جوہری شفافیت بڑھانے کا مطالبہ

قطر اور جرمنی نے ایران سے جوہری پروگرام پر آئی اے ای اے کے ساتھ مکمل تعاون، حوثیوں کی حمایت ختم کرنے اور آبنائے ہرمز میں جہاز رانی کی آزادی یقینی بنانے کا مطالبہ کردیا

Web Desk22 نومبر، 2026
سندھ ایک ہے اور ایک رہے گا، نئے صوبوں کی بات کہاں سے آگئی؟ ناصر حسین شاہ
تازہ ترین

سندھ ایک ہے اور ایک رہے گا، نئے صوبوں کی بات کہاں سے آگئی؟ ناصر حسین شاہ

سندھ کے وزیر بلدیات ناصر حسین شاہ نے نئے صوبوں اور ریفرنڈم سے متعلق بیان دیتے ہوئے کہا ہے کہ سندھ ایک ہے اور ایک رہے گا، پیپلز پارٹی کو بائی پاس کرکے ریفرنڈم کرایا گیا تو عوام کے ساتھ کھڑے ہوں گے

Web Desk22 نومبر، 2026
موسمیاتی تبدیلی ہماری تہذیب اور تاریخی ورثے کے لیے بڑا خطرہ بن چکی ہے، مصدق ملک
تازہ ترین

موسمیاتی تبدیلی ہماری تہذیب اور تاریخی ورثے کے لیے بڑا خطرہ بن چکی ہے، مصدق ملک

وفاقی وزیر مصدق ملک نے نئی دہلی میں ایس سی او سویلائزیشن فورم سے خطاب کرتے ہوئے کہا کہ موسمیاتی تبدیلی پاکستان کی تہذیب اور تاریخی ورثے کے لیے بڑا خطرہ ہے، 2022 کے سیلاب سے موہنجو دڑو بھی متاثر ہوا۔

Web Desk22 نومبر، 2026