اداکارہ عروبہ مرزا کے الزامات پر ثاقب چدھڑ کا ردعمل، تعلقات کی تردید

لاہور: رکنِ پنجاب اسمبلی ثاقب چدھڑ نے اداکارہ عروبہ مرزا کی جانب سے عائد کیے گئے الزامات کو مسترد کرتے ہوئے کہا ہے کہ ان دونوں کے درمیان کبھی کسی قسم کا تعلق نہیں رہا۔

حال ہی میں اداکارہ عروبہ مرزا نے سوشل میڈیا پر مبینہ طور پر ثاقب چدھڑ سے منسوب پرانے پیغامات کے اسکرین شاٹس شیئر کیے، جس کے بعد یہ معاملہ سوشل میڈیا پر زیرِ بحث آ گیا اور مختلف صارفین نے اس پر اپنی آراء کا اظہار کیا۔

اس معاملے پر ردعمل دیتے ہوئے ثاقب چدھڑ نے فوٹو اور ویڈیو شیئرنگ پلیٹ فارم انسٹاگرام پر اپنی اسٹوری کے ذریعے وضاحت جاری کی۔ انہوں نے اداکارہ کے الزامات کو مسترد کرتے ہوئے کہا کہ ان کے درمیان کبھی کسی نوعیت کا تعلق موجود نہیں رہا۔

اپنی انسٹاگرام اسٹوری میں ثاقب چدھڑ نے لکھا، "ہم دونوں کا کبھی کسی قسم کا تعلق نہیں رہا، دشمن بھی خاندانی ہونا چاہیے۔"

تاحال اداکارہ عروبہ مرزا کی جانب سے ثاقب چدھڑ کی اس وضاحت پر کوئی نیا ردعمل سامنے نہیں آیا، جبکہ سوشل میڈیا پر اس معاملے پر بحث کا سلسلہ جاری ہے۔