وزیراعظم شہباز شریف کی امیرِ قطر سے ملاقات، دفاع اور توانائی میں تعاون بڑھانے پر اتفاق

(دوحہ) میں ہونے والی ملاقات کے دوران دونوں رہنماؤں کے درمیان گرمجوش اور برادرانہ گفتگو ہوئی۔ وزیراعظم نے قطری جنگی طیاروں کی جانب سے پاکستانی طیارے کو سکواڈ کی صورت میں دیے گئے استقبال پر شکریہ ادا کیا اور قطر کی مہمان نوازی کو سراہا۔

ملاقات میں خلیجی خطے کی صورتحال اور امن و استحکام پر تفصیلی گفتگو کی گئی جبکہ مذاکرات اور باہمی تعاون کے ذریعے مسائل کے حل پر زور دیا گیا۔

وزیراعظم شہباز شریف نے قطر اور دیگر ممالک پر حملوں کی شدید مذمت کرتے ہوئے قطری عوام کے ساتھ مکمل یکجہتی کا اظہار بھی کیا۔

دفاع، سکیورٹی اور توانائی میں تعاون بڑھانے پر اتفاق

دونوں ممالک کے درمیان:

• سکیورٹی تعاون

• دفاعی تعاون

• توانائی کے شعبے میں اشتراک

• دوطرفہ تعلقات کے فروغ

پر اتفاق کیا گیا جبکہ پاکستان اور خلیجی ممالک کے دیرینہ تعلقات مزید مضبوط بنانے کے عزم کا اعادہ کیا گیا۔

وزیراعظم کا پرتپاک استقبال

اس سے قبل وزیراعظم شہباز شریف سرکاری دورے پر دوحہ پہنچے جہاں ان کا پرتپاک استقبال کیا گیا۔ قطر کے وزیر مملکت برائے خارجہ امور سلطان بن سعد المریخی نے وزیراعظم اور ان کے وفد کا استقبال کیا۔

قطری مسلح افواج کے چاک و چوبند دستے نے وزیراعظم کو سلامی پیش کی جبکہ دوحہ ائیرپورٹ اور شہر کو پاکستانی پرچموں سے سجایا گیا۔

وفد میں شامل اہم شخصیات

وزیراعظم کے ہمراہ وفد میں شامل تھے:

• اسحاق ڈار

• عطا اللہ تارڑ

• طارق فاطمی

• مشرف زیدی

ملاقات میں دوطرفہ تعلقات کے فروغ، اقتصادی تعاون اور خطے و عالمی امن سے متعلق امور پر بھی تبادلہ خیال کیا گیا۔