کردستان سے امریکی فوجی انخلا کی تصدیق، فوجی اڈے 30 ستمبر تک بغداد کے حوالے ہوں گے

بغداد: عراقی حکومت نے کردستان سے امریکی فوج کے انخلا کی باضابطہ تصدیق کرتے ہوئے کہا ہے کہ امریکی فوجی اڈے اور تنصیبات مقررہ شیڈول کے مطابق عراق کے حوالے کی جا رہی ہیں۔

عراقی حکام کے مطابق کردستان میں موجود امریکی فوجی اڈے 30 ستمبر تک بغداد کے حوالے کر دیے جائیں گے۔ امریکی فوجی تنصیبات کی منتقلی کے لیے بغداد اور واشنگٹن کے درمیان رابطے جاری ہیں۔

عراقی حکومت کا کہنا ہے کہ کردستان سے امریکی فوج کا انخلا طے شدہ شیڈول کے مطابق جاری ہے، جبکہ امریکی فوجی تنصیبات کو مرحلہ وار عراقی سکیورٹی فورسز کے حوالے کیا جائے گا۔

حکام کے مطابق فوجی اڈوں کی منتقلی کا عمل دونوں ممالک کے درمیان جاری رابطوں اور طے شدہ طریقہ کار کے تحت مکمل کیا جا رہا ہے۔

عراقی حکومت کی جانب سے امریکی انخلا کی تصدیق خطے میں امریکی فوجی موجودگی کے حوالے سے ایک اہم پیش رفت قرار دی جا رہی ہے۔ 30 ستمبر کی ڈیڈ لائن تک امریکی فوجی اڈوں کی منتقلی مکمل ہونے کے بعد کردستان میں ان تنصیبات کی ذمہ داری عراقی سکیورٹی فورسز سنبھالیں گی۔