لاہور میں منکی پاکس کے کیسز میں اضافہ، مریضوں کی تعداد 33 تک پہنچ گئی

وزارت صحت کے مطابق 18 سالہ شہری میں منکی پاکس کی تشخیص کے بعد شہر میں تصدیق شدہ مریضوں کی مجموعی تعداد 33 ہو گئی ہے۔ حکام کا کہنا ہے کہ صورتحال پر قریبی نظر رکھی جا رہی ہے اور ضروری اقدامات کیے جا رہے ہیں۔

انتظامیہ کے مطابق میو اسپتال میں اس وقت 7 مریض زیر علاج ہیں، جن میں سے 4 میں منکی پاکس کی تصدیق ہو چکی ہے جبکہ 3 مشتبہ مریضوں کا علاج جاری ہے۔

ماہرین صحت نے شہریوں کو احتیاطی تدابیر اختیار کرنے کی ہدایت کرتے ہوئے کہا ہے کہ علامات ظاہر ہونے کی صورت میں فوری طور پر قریبی طبی مرکز سے رجوع کیا جائے تاکہ وائرس کے مزید پھیلاؤ کو روکا جا سکے۔