سہیل آفریدی سمیت پی ٹی آئی رہنماؤں کے دوبارہ وارنٹ گرفتاری جاری

اسلام آباد: اسلام آباد کی انسدادِ دہشت گردی عدالت نے 26 نومبر احتجاج کیس میں وزیراعلیٰ خیبرپختونخوا سہیل آفریدی، جنید اکبر اور دیگر کے وارنٹ گرفتاری دوبارہ جاری کردیے۔

کیس کی سماعت انسدادِ دہشت گردی عدالت کے جج طاہر عباس سپرا نے کی۔ سماعت کے دوران پولیس کی جانب سے کیس کا چالان آج بھی عدالت میں پیش نہیں کیا جاسکا۔

عدالت نے پولیس کو ہدایت کی کہ کیس کا چالان جلد پیش کیا جائے، جبکہ وزیراعلیٰ خیبرپختونخوا سہیل آفریدی، جنید اکبر اور دیگر ملزمان کے وارنٹ گرفتاری دوبارہ جاری کردیے گئے۔

پی ٹی آئی رہنماؤں اور کارکنان کے خلاف تھانہ مارگلہ میں 26 نومبر احتجاج کے حوالے سے مقدمہ درج ہے۔

عدالت نے کیس کی مزید سماعت 9 اکتوبر تک ملتوی کردی۔