محمد رضوان کی این سی سی آئی اے میں دوبارہ طلبی، عدم پیشی پر کارروائی کا عندیہ
پاکستانی کرکٹر محمد رضوان کو سائبر کرائم انکوائری کے سلسلے میں این سی سی آئی اے لاہور نے دوسرا نوٹس جاری کردیا۔ محمد رضوان کو 2 اکتوبر کو سہ پہر 3 بجے پیش ہونے کی ہدایت کی گئی ہے، جبکہ عدم پیشی کی صورت میں قانونی کارروائی کا عندیہ دیا گیا ہے
اسی موضوع سے پڑھیں
پاکستانی کرکٹر محمد رضوان کو سائبر کرائم انکوائری کے سلسلے میں نیشنل سائبر کرائم انویسٹی گیشن ایجنسی (این سی سی آئی اے) لاہور نے دوبارہ طلب کرلیا۔
این سی سی آئی اے لاہور نے محمد رضوان کو دوسرا نوٹس جاری کرتے ہوئے انہیں 2 اکتوبر کو سہ پہر 3 بجے دفتر میں پیش ہونے کی ہدایت کی ہے۔
نوٹس کے متن کے مطابق عدم پیشی کی صورت میں یہ سمجھا جائے گا کہ متعلقہ شخص کے پاس اپنے دفاع میں پیش کرنے کے لیے کچھ نہیں۔
نوٹس میں مزید کہا گیا ہے کہ طلبی کی تعمیل نہ کرنے کی صورت میں قانونی کارروائی کی جا سکتی ہے۔
محمد رضوان کو سائبر کرائم انکوائری کے سلسلے میں اس سے قبل بھی طلب کیا گیا تھا۔
شائع ہوا: 30 ستمبر، 2026 کو 02:16 PM
آخری تدوین: 30 ستمبر، 2026
