وزیراعلیٰ پنجاب کا بڑا اعلان: ویٹرنری گریجویٹس کیلئے 60 ہزار ماہانہ وظیفہ

(لاہور)وزیراعلیٰ پنجاب مریم نواز نے ویٹرنری گریجویٹس کے لیے ایک اہم اقدام کا اعلان کرتے ہوئے ماہانہ 60 ہزار روپے وظیفے پر مشتمل انٹرن شپ پروگرام متعارف کرا دیا ہے۔

تفصیلات کے مطابق اس پروگرام کے لیے 60 کروڑ روپے مختص کیے گئے ہیں، جس کے تحت ایک ہزار ویٹرنری گریجویٹس اور پیراویٹس کو عملی تربیت کے مواقع فراہم کیے جائیں گے۔ اس اسکیم کے تحت ویٹرنری گریجویٹس کو ماہانہ 60 ہزار روپے جبکہ پیراویٹس کو 40 ہزار روپے ماہانہ وظیفہ دیا جائے گا۔

حکام کے مطابق رواں سال کے لیے انٹرن شپ کوٹہ ویٹرنری گریجویٹس کے لیے 264 جبکہ پیراویٹس کے لیے 371 رکھا گیا ہے۔

اس پروگرام میں دلچسپی رکھنے والے امیدوار 15 مئی 2026 تک درخواستیں جمع کروا سکتے ہیں۔ درخواست دینے کے خواہشمند افراد پنجاب حکومت کی آفیشل ویب سائٹ www.jobs. punjab. gov. کے ذریعے آن لائن فارم پُر کر سکتے ہیں۔

یہ اقدام نوجوانوں کو روزگار کے بہتر مواقع فراہم کرنے اور لائیو اسٹاک کے شعبے میں مہارت کو فروغ دینے کے لیے ایک اہم قدم قرار دیا جا رہا ہے۔