فیفا ورلڈ کپ 2026 کا بڑا اپ سیٹ، ایکواڈور نے جرمنی کو 1-2 سے شکست دے دی

فیفا ورلڈ کپ 2026 میں ایک بڑا اپ سیٹ دیکھنے میں آیا، جہاں ایکواڈور نے چار مرتبہ کی عالمی چیمپئن جرمنی کو سنسنی خیز مقابلے کے بعد 1-2 سے شکست دے دی۔

میچ کا آغاز جرمنی کے لیے شاندار رہا اور دوسرے ہی منٹ میں لیروئے سانی نے گول کرکے اپنی ٹیم کو برتری دلائی۔ تاہم ایکواڈور نے جلد ہی کم بیک کرتے ہوئے نیلسن انگولو کے گول کی بدولت مقابلہ برابر کر دیا۔

دونوں ٹیموں کے درمیان سخت مقابلہ جاری رہا، لیکن 77ویں منٹ میں گونزالو پلاٹا نے فیصلہ کن گول اسکور کرکے ایکواڈور کو 1-2 کی یادگار فتح دلا دی۔

اس کامیابی کے بعد ایکواڈور بہترین تیسرے نمبر پر رہنے والی ٹیموں میں شامل ہو کر ورلڈ کپ کے آخری 32 مرحلے (ناک آؤٹ راؤنڈ) کے لیے کوالیفائی کر گیا۔

دوسری جانب اسی گروپ کے ایک اور میچ میں آئیوری کوسٹ نے کیوراساؤ کو 0-2 سے شکست دے کر ناک آؤٹ مرحلے میں اپنی جگہ یقینی بنا لی، جبکہ جرمنی کی شکست ٹورنامنٹ کے ابتدائی مرحلے کا سب سے بڑا اپ سیٹ قرار دی جا رہی ہے۔