وائسز آف امریکا
تازہ خبریں
تازہ ترین

ایران میں امریکی فوجیوں کی ممکنہ تدفین کے لیے 5 ہزار قبروں کی تیاری

W
Web Desk
16 اگست، 2026
ایران میں امریکی فوجیوں کی ممکنہ تدفین کے لیے 5 ہزار قبروں کی تیاری

ایران نے ممکنہ جنگی حالات میں امریکی فوجیوں کی عارضی تدفین کیلئے تقریباً 5 ہزار قبروں کی گنجائش والا مقام تیار کرنے کا اعلان کیا ہے۔ بہشت زہرا کے سی ای او محمد جواد تاجک کے مطابق یہ انتظام ہنگامی منصوبہ بندی کا حصہ ہے

تہران: ایران نے ممکنہ جنگی یا غیر معمولی حالات سے نمٹنے کے لیے امریکی فوجی اہلکاروں کی لاشوں کی عارضی تدفین سے متعلق انتظامات مکمل کرنے کا دعویٰ کیا ہے۔ ایرانی حکام کے مطابق تہران کی شہری حدود سے باہر ایک مقام پر تقریباً 5 ہزار قبروں کی گنجائش رکھی گئی ہے۔

بہشت زہرا قبرستان کے سی ای او محمد جواد تاجک نے ایک ٹی وی پروگرام میں گفتگو کرتے ہوئے بتایا کہ یہ مقام ممکنہ بحرانی صورتحال میں غیر ملکی فوجی اہلکاروں کی لاشوں کے انتظام اور عارضی تدفین کے لیے تیار کیا گیا ہے۔

محمد جواد تاجک کے مطابق متعلقہ اداروں کو مختلف ہنگامی حالات کے لیے پیشگی منصوبہ بندی کرنا ہوتی ہے، جس میں غیر ملکی فوجی دستوں کے ایرانی سرزمین میں داخل ہونے کا ممکنہ منظرنامہ بھی شامل ہے۔ اسی تناظر میں لاشوں کو عارضی طور پر محفوظ رکھنے اور ضرورت پڑنے پر تدفین کے لیے انتظامات کیے گئے ہیں۔

انہوں نے واضح کیا کہ اس تیاری کا مطلب یہ نہیں کہ ایران میں جنگ یا امریکی فوجی دستوں کے تہران میں داخل ہونے کو یقینی سمجھا جا رہا ہے۔ ان کے بقول یہ اقدامات بحران سے نمٹنے اور ہنگامی حالات کے لیے معمول کی منصوبہ بندی کا حصہ ہیں۔

ایرانی حکام کی جانب سے سامنے آنے والا یہ بیان ایسے وقت میں اہمیت اختیار کر گیا ہے جب خطے میں ایران اور امریکا کے درمیان کشیدگی کے باعث کسی بھی ممکنہ فوجی صورتحال پر عالمی سطح پر توجہ مرکوز ہے۔

شیئر کریں:
W
Web Desk

Media Channel

شائع ہوا: 16 اگست، 2026 کو 03:11 AM

آخری تدوین: 16 اگست، 2026

متعلقہ مضامین

عالیہ بھٹ کی پیدائش سے قبل سونی رازدان نے ایک دن میں 100 سگریٹ پی تھیں،
تازہ ترین

عالیہ بھٹ کی پیدائش سے قبل سونی رازدان نے ایک دن میں 100 سگریٹ پی تھیں،

بالی وڈ اداکارہ سونی رازدان نے انکشاف کیا ہے کہ عالیہ بھٹ کے حمل سے بے خبر رہتے ہوئے فلم گمراہ کی شوٹنگ کے دوران انہوں نے ایک دن میں تقریباً 100 سگریٹ پی لی تھیں

Web Desk16 نومبر، 2026
پاکستان پُرامن اور مستحکم افغانستان کا خواہاں ہے، افغان حکام پڑوسی ممالک کے سکیورٹی خدشات دور کریں: اسحاق ڈار
پاکستان

پاکستان پُرامن اور مستحکم افغانستان کا خواہاں ہے، افغان حکام پڑوسی ممالک کے سکیورٹی خدشات دور کریں: اسحاق ڈار

اسحاق ڈار نے ای سی او وزرائے خارجہ کونسل کے 30ویں اجلاس سے خطاب میں کہا ہے کہ پاکستان پُرامن اور مستحکم افغانستان کا خواہاں ہے، افغان حکام پڑوسی ممالک کے جائز سکیورٹی خدشات دور کریں

Web Desk16 نومبر، 2026
ٹرمپ کا بائیڈن انتظامیہ پر ایف اے اے کی بدانتظامی کا الزام
امریکا

ٹرمپ کا بائیڈن انتظامیہ پر ایف اے اے کی بدانتظامی کا الزام

امریکی صدر ڈونلڈ ٹرمپ نے فیڈرل ایوی ایشن ایڈمنسٹریشن کی خراب کارکردگی کا ذمہ دار بائیڈن انتظامیہ کو قرار دے دیا۔ ٹرمپ نے 50 سال پرانے ایئر ٹریفک کنٹرول سسٹم کی جدید کاری کے لیے کانگریس سے فنڈز کی منظوری مانگ لی

Web Desk16 نومبر، 2026