ایران سنجیدہ نہ ہوا تو مثبت ردعمل نہیں دیں گے، جے ڈی وینس

امریکا کے نائب صدر جے ڈی وینس مذاکرات میں امریکی وفد کی سربراہی کے لیے میری لینڈ سےاسلام آباد روانہ ہوگئے۔ روانگی سے قبل میڈیا سے گفتگو میں انہوں نے کہا کہ وہ ڈونلڈٹرمپ کی ہدایات کے تحت مذاکرات میں شرکت کے لیے جا رہے ہیں اور امید ہے کہ ایران کے ساتھ بات چیت مثبت رہے گی۔

جے ڈی وینس نے کہا کہ اگر ایرانی قیادت نیک نیتی کے ساتھ مذاکرات پر آمادہ ہوئی تو امریکا بھی کھلے دل کے ساتھ آگے بڑھنے کو تیار ہے، تاہم اگر ایران نے سنجیدگی کا مظاہرہ نہ کیا تو مذاکرات مثبت سمت میں نہیں جا سکیں گے۔

واضح رہے کہ امریکا اور Iran کے درمیان اہم مذاکرات پاکستان کی ثالثی میں کل اسلام آباد میں ہوں گے۔ امریکی وفد میں نائب صدر جے ڈی وینس کے علاوہ مائندہ خصوصی اسٹیو وٹکوف اور صدر ٹرمپ کے داماد جیرڈ کشنر شامل ہیں۔

دوسری جانب ایرانی وفد میں وزیر خارجہ عباس عراقچی اور ایرانی پارلیمنٹ کے اسپیکرباقر قالیباف شامل ہوں گے۔

یہ مذاکرات خطے میں کشیدگی کم کرنے اور ممکنہ سفارتی پیش رفت کے حوالے سے انتہائی اہم قرار دیے جا رہے ہیں۔