انڈیاناپولس میں خالصتان ریفرنڈم، سکھ کمیونٹی آج ووٹ دے گی

انڈیاناپولس: امریکی ریاست انڈیانا کے شہر انڈیاناپولس میں خالصتان ریفرنڈم کا انعقاد آج 16 اگست کو کیا جا رہا ہے، جس میں سکھ کمیونٹی کے افراد بھارتی پنجاب کو الگ ریاست خالصتان بنانے کے حق میں اپنی رائے کا اظہار کریں گے۔

ریفرنڈم کا اہتمام سکھ فار جسٹس (Sikhs for Justice) کی جانب سے کیا جا رہا ہے۔ منتظمین کے مطابق امریکا کے مختلف علاقوں سے سکھ کمیونٹی کے افراد ریفرنڈم میں شرکت کے لیے انڈیاناپولس پہنچ رہے ہیں۔

منتظمین کے مطابق ووٹنگ کا آغاز 16 اگست کی صبح 9 بجے انڈیاناپولس کے ڈاؤن ٹاؤن علاقے میں ہوگا۔ سکھ ووٹرز ریفرنڈم میں حصہ لے کر خالصتان کے قیام کے حوالے سے اپنی رائے دیں گے۔

انڈیاناپولس میں ریفرنڈم کے لیے انتظامات مکمل کیے جا رہے ہیں، جبکہ منتظمین کی جانب سے سکھ کمیونٹی کی بڑی تعداد میں شرکت کی توقع ظاہر کی گئی ہے۔

واضح رہے کہ یہ ریفرنڈم ایک غیر سرکاری اور علامتی ووٹنگ کا عمل ہے، جس کا مقصد خالصتان کے قیام کے حوالے سے سکھ برادری کی رائے کو اجاگر کرنا ہے۔