عالمی منڈی میں خام تیل کی قیمتوں میں اتار چڑھاؤ برقرار، برینٹ 72.51 ڈالر اور ڈبلیو ٹی آئی 70.39 ڈالر فی بیرل

عالمی منڈی میں خام تیل کی قیمتوں میں اتار چڑھاؤ کا سلسلہ بدستور جاری ہے، جہاں تازہ ترین تجارتی اعداد و شمار کے مطابق برینٹ خام تیل 72.51 ڈالر فی بیرل جبکہ ویسٹ ٹیکساس انٹرمیڈیٹ (ڈبلیو ٹی آئی) کروڈ 70.39 ڈالر فی بیرل پر ٹریڈ کر رہا ہے۔

مارکیٹ رپورٹس کے مطابق گزشتہ ہفتے برینٹ خام تیل کی قیمت میں مجموعی طور پر 10.6 فیصد کمی ریکارڈ کی گئی، جو مسلسل تیسرے ہفتے کی گراوٹ ہے۔ ماہرین کا کہنا ہے کہ خام تیل کی قیمتوں میں حالیہ کمی عالمی سپلائی میں اضافے اور مارکیٹ میں طلب و رسد کے بدلتے ہوئے رجحانات کا نتیجہ ہے۔

تجزیہ کاروں کے مطابق اس سے قبل آبنائے ہرمز کے ذریعے خام تیل کی ترسیل میں نمایاں اضافہ دیکھنے میں آیا، جس کے باعث سپلائی سے متعلق خدشات میں کمی آئی اور قیمتوں پر دباؤ برقرار رہا۔

ماہرین کا کہنا ہے کہ آئندہ دنوں میں عالمی معاشی صورتحال، تیل پیدا کرنے والے ممالک کی پالیسیوں اور جغرافیائی سیاسی حالات خام تیل کی قیمتوں کی سمت کا تعین کرنے میں اہم کردار ادا کریں گے۔