اپوزیشن رہنماؤں کی نیئر بخاری سے ملاقات، اے پی سی میں شرکت کی دعوت

اسلام آباد میں اپوزیشن رہنماؤں نے پیپلزپارٹی کے سیکرٹری جنرل نیئر بخاری سے ملاقات کی اور انہیں آل پارٹیز کانفرنس میں شرکت کی دعوت دی۔

اپوزیشن لیڈر سینیٹ علامہ ناصر عباس، بیرسٹر گوہر اور دیگر رہنماؤں نے ملاقات میں ملکی سیاسی صورتحال اور اپوزیشن کے آئندہ لائحہ عمل پر گفتگو کی۔ نیئر بخاری نے کہا کہ وہ آل پارٹیز کانفرنس کے حوالے سے چیئرمین پیپلزپارٹی بلاول بھٹو زرداری سے مشاورت کریں گے۔

راجہ ناصر عباس کا کہنا تھا کہ یہ مشکل وقت ہے، تمام سیاسی قوتوں کو مل بیٹھنے کی ضرورت ہے، ماضی میں بھی جب سیاسی قیادت نے مل کر بیٹھ کر بات کی تو بحران سے نکلنے کا راستہ نکلا۔

بیرسٹر گوہر نے کہا کہ لانگ مارچ کا فیصلہ برقرار ہے جبکہ خیبرپختونخوا کے وزیراعلیٰ سہیل آفریدی اپنے عہدے پر برقرار رہیں گے۔