ایشین گیمز 2026: پاکستان نے بنگلادیش کو 6 وکٹوں سے شکست دے کر فائنل میں جگہ بنا لی

نشین، جاپان: ایشین گیمز 2026 کے کرکٹ ایونٹ کے پہلے سیمی فائنل میں پاکستان نے بنگلادیش کو 6 وکٹوں سے شکست دے کر فائنل میں جگہ بنا لی۔

جاپان کے شہر نشین میں کھیلے گئے سیمی فائنل میں پاکستان کے کپتان صاحبزادہ فرحان نے ٹاس جیت کر بنگلادیش کو پہلے بیٹنگ کی دعوت دی۔ بارش کے باعث میچ کو فی اننگز 13 اوورز تک محدود کردیا گیا۔

بنگلادیش نے مقررہ 13 اوورز میں 7 وکٹوں کے نقصان پر 111 رنز بنائے۔ توحید ہردوئی 42 رنز کے ساتھ بنگلادیش کے نمایاں بیٹر رہے۔

پاکستان کی جانب سے سفیان مقیم نے عمدہ باؤلنگ کا مظاہرہ کرتے ہوئے 3 وکٹیں حاصل کیں، جبکہ عرافات منہاس نے 2 کھلاڑیوں کو آؤٹ کیا۔

پاکستان نے 112 رنز کا ہدف 12ویں اوور میں 4 وکٹوں کے نقصان پر حاصل کرلیا۔ عبدالصمد نے جارحانہ بیٹنگ کرتے ہوئے صرف 15 گیندوں پر 30 رنز کی ناقابلِ شکست اننگز کھیلی۔ حسن نواز نے 22 گیندوں پر 27 رنز بنائے، جبکہ صائم ایوب نے 12 گیندوں پر 21 رنز کی اننگز کھیلی۔

اس کامیابی کے ساتھ پاکستان نے بنگلادیش کو 6 وکٹوں سے شکست دے کر ایشین گیمز 2026 کے کرکٹ ایونٹ کے فائنل میں رسائی حاصل کرلی۔

ایشین گیمز کے کرکٹ ایونٹ کا فائنل 3 اکتوبر کو کھیلا جائے گا۔