پی ایس ایل 11: کنگزمین نے راولپنڈیز کو شکست دے کر پلے آف میں جگہ بنا لی، قلندرز باہر

کراچی: پاکستان سپر لیگ کے 11ویں ایڈیشن کے 39ویں میچ میں حیدرآباد کنگزمین نے راولپنڈیز کو شکست دے کر پلے آف مرحلے کیلئے کوالیفائی کر لیا، جبکہ دفاعی چیمپئن لاہور قلندرزایونٹ سے باہر ہو گئی۔

نیشنل اسٹیڈیم کراچی میں کھیلے گئے میچ میں راولپنڈیز کی ٹیم حیدرآباد کنگزمین کی جانب سے دیے گئے 245 رنز کے بڑے ہدف کے تعاقب میں صرف 136 رنز پر ہی ڈھیر ہو گئی۔

راولپنڈیز کی جانب سے عثمان خان 66 رنز کی ناقابل شکست اننگ کھیل کر نمایاں رہے، جبکہ کپتان محمد رضوان نے 26 اور سیم بلنگز نے 23 رنز بنائے۔ دیگر کھلاڑی خاطر خواہ کارکردگی نہ دکھا سکے۔

حیدرآباد کنگزمین کی جانب سے حنین شاہ نے شاندار باؤلنگ کرتے ہوئے 4 وکٹیں حاصل کیں جبکہ عاکف جاوید نے 3 کھلاڑیوں کو آؤٹ کیا۔محمد علی اورگلین میکسویل نے ایک، ایک وکٹ حاصل کی۔

اس سے قبل راولپنڈیز کی دعوت پر پہلے بیٹنگ کرتے ہوئے حیدرآباد کنگزمین نے مقررہ 20 اوورز میں 6 وکٹوں کے نقصان پر 244 رنز بنائے۔

کنگزمین کی جانب سے گلین میکسویل 70 رنز کے ساتھ نمایاں رہے، جبکہ عثمان خان نے 54، کوشال پریرا نے 50 اور حسن خان نے 16 رنز کی ناقابل شکست اننگز کھیلیں۔

اس شاندار فتح کے ساتھ حیدرآباد کنگزمین نے پلے آف مرحلے میں جگہ بنا لی جبکہ لاہور قلندرز کا سفر اختتام کو پہنچ گیا۔