سکھ فار جسٹس کا بھارتی طلبہ تحریک کے لیے 10 لاکھ ڈالر مختص کرنے کا اعلان، 16 اگست کو انڈیاناپولس میں خالصتان ریفرنڈم کی تیاریاں

( واشنگٹن ) امریکا میں قائم سکھوں کی تنظیم سکھ فار جسٹس (SFJ) کے سربراہ گرپتونت سنگھ پنوں نے بھارت میں احتجاج میں مصروف کاکروچ جنتا پارٹی کیلئے 10 لاکھ امریکی ڈالرز مختص کرنے کا اعلان کر دیا ہے۔

بیان میں کہا گیا ہے کہ یہ رقم اس شرط کے ساتھ فراہم کی جائے گی کہ طلبہ اپنی احتجاجی تحریک جاری رکھیں اور بھارتی حکومت سے مذاکرات نہ کریں۔

پنوں نے مزید دعویٰ کیا کہ تنظیم 15 اگست کو بھارت کے یومِ آزادی کی تقریبات کے خلاف احتجاج کرے گی، جبکہ 16 اگست کو امریکی شہر انڈیاناپولس میں خالصتان ریفرنڈم منعقد کیا جائے گا۔

نوجوانوں کہ تنظیم کاکروچ جنتا پارٹی اس وقت مودی کیخلاف سراپا احتجاج ہے جہاں ہزاروں طلبہ و طالبات تعلیمی ڈھانچے میں اصلاحات اور ہوم منسٹر امت شاہ کے استعفی کا مطالبہ کر رہے ہیں۔