امریکی صدر ٹرمپ نےکرپٹوکرنسی کے کاروبار سے ایک ارب ڈالر سے زیادہ کمالیے

(واشنگٹن) امریکی صدر ڈونلڈ ٹرمپ کے مالی اثاثوں سے متعلق نئی تفصیلات سامنے آئی ہیں جن کے مطابق انہوں نے کرپٹو کرنسی کے کاروبار سے ایک ارب ڈالر سے زائد آمدن حاصل کی ہے۔

200 صفحات پر مشتمل مالیاتی دستاویزات میں بتایا گیا ہے کہ ٹرمپ نے اپنے مختلف کاروباری ذرائع کے ساتھ ساتھ کرپٹو کرنسی کے شعبے سے بھی نمایاں منافع کمایا ہے۔

رپورٹ کے مطابق ڈونلڈ ٹرمپ نے سی آئی سی ڈیجیٹل سے بھی 636 ملین ڈالر کی آمدن حاصل کی۔

دستاویزات کے اجراء کے بعد سامنے آنے والی اس رپورٹ میں کہا گیا ہے کہ ان کی مجموعی کرپٹو آمدن ایک ارب ڈالر سے تجاوز کر گئی ہے، جو اس شعبے میں ان کے بڑھتے ہوئے مالی مفادات کو ظاہر کرتی ہے۔

دوسری جانب امریکی صدر ڈونلڈ ٹرمپ نے اپنے ایک بیان میں کہا ہے کہ ری پبلکن پارٹی تاریخ میں پہلی بار مڈٹرم کنونشن منعقد کرے گی۔

انہوں نے بتایا کہ ری پبلکن پارٹی کا یہ کنونشن امریکی شہر ڈیلاس میں منعقد ہوگا، جو ان کے مطابق ان کی پسندیدہ جگہوں میں سے ایک ہے۔