ٹرمپ کے مواخذے کے لیے ڈیموکریٹس کو مزید 13 سینیٹرز کی حمایت درکار

ٹیکساس: امریکی صدر ڈونلڈ ٹرمپ کے مواخذے اور عہدے سے برطرفی کے لیے ڈیموکریٹس کو سینیٹ میں مزید 13 سینیٹرز کی حمایت حاصل کرنا ہوگی، کیونکہ صدر کو عہدے سے ہٹانے کے لیے 100 رکنی سینیٹ میں دو تہائی اکثریت یعنی 67 ووٹ درکار ہوتے ہیں۔

دستیاب اعداد و شمار کے مطابق ڈیموکریٹس کے پاس سینیٹ میں 54 نشستیں ہیں۔ اگر مواخذے کی کارروائی کے دوران تمام ڈیموکریٹک سینیٹرز صدر ٹرمپ کے خلاف ووٹ دیتے ہیں تو بھی انہیں مطلوبہ 67 ووٹ مکمل کرنے کے لیے مزید 13 سینیٹرز کی حمایت حاصل کرنا ہوگی۔

آئینی طریقہ کار کے تحت سینیٹ میں سادہ اکثریت حاصل کرنا صدر کی برطرفی کے لیے کافی نہیں ہوتا، بلکہ مواخذے کی کارروائی میں ایوان نمائندگان اور سینیٹ دونوں کے الگ الگ آئینی کردار ہیں۔

امریکی آئین کے مطابق ایوان نمائندگان صدر کے خلاف مواخذے کی منظوری دیتا ہے، جبکہ سینیٹ میں مقدمے کی سماعت کے بعد صدر کو مجرم قرار دینے اور عہدے سے ہٹانے کے لیے دو تہائی ارکان کی حمایت ضروری ہوتی ہے۔

سیاسی مبصرین کے مطابق ڈیموکریٹس کی کامیابی صدر ڈونلڈ ٹرمپ کے لیے سیاسی مشکلات میں اضافہ کر سکتی ہے، خصوصاً ایسی صورت میں جب ایوان نمائندگان کا کنٹرول بھی ڈیموکریٹک پارٹی کے ہاتھ میں آ جاتا ہے۔

ایوان نمائندگان میں اکثریت حاصل ہونے کی صورت میں ڈیموکریٹس کو ٹرمپ انتظامیہ کے خلاف تحقیقات اور مواخذے کی کارروائی شروع کرنے کے لیے زیادہ سیاسی گنجائش مل سکتی ہے، تاہم سینیٹ میں مطلوبہ دو تہائی اکثریت حاصل کرنا ایک الگ آئینی چیلنج ہوگا۔