امریکی فوج کے سیکرٹری ڈین ڈرسکول مستعفی، وزیرِ جنگ سے اختلافات کا انکشاف

واشنگٹن: امریکی فوج کے سیکرٹری ڈین ڈرسکول نے اپنے عہدے سے استعفیٰ دے دیا ہے، تاہم ان کے استعفے کی فوری طور پر کوئی وجہ سامنے نہیں آئی۔

امریکی میڈیا کے مطابق ڈین ڈرسکول اور امریکی وزیرِ جنگ پیٹ ہیگستھ کے درمیان کافی عرصے سے اختلافات جاری تھے۔ استعفے کی وجوہات سے متعلق ڈرسکول کے ترجمان نے بھی کوئی تبصرہ نہیں کیا، جبکہ امریکی فوج نے بھی فوری طور پر بیان دینے سے گریز کیا۔

رپورٹس کے مطابق امریکی محکمہ دفاع میں حالیہ عرصے کے دوران اعلیٰ سطح پر تبدیلیاں اور اختلافات سامنے آتے رہے ہیں۔ پیٹ ہیگستھ نے رواں سال اپریل میں جنرل رینڈی کو بھی اچانک عہدے سے ہٹا دیا تھا۔

ڈین ڈرسکول کے استعفے کو امریکی فوج اور محکمہ دفاع میں جاری انتظامی تبدیلیوں کے تناظر میں اہم پیش رفت قرار دیا جا رہا ہے۔