وزیر اعظم شہبازشریف نے ڈیزل 135روپے ، پیٹرول 12روپے فی لیٹرسستا کردیا،

(اسلام آباد) وزیراعظم نے اعلان کیا کہ ڈیزل کی قیمت میں 135 روپے فی لیٹر کمی کی گئی ہے جس کے بعد ڈیزل کی نئی قیمت 520 روپے سے کم ہو کر 385 روپے فی لیٹر ہو جائے گی۔ اسی طرح پیٹرول کی قیمت میں 12 روپے فی لیٹر کمی کی گئی ہے۔

وزیراعظم شہباز شریف کا کہنا تھا کہ عالمی منڈی میں تیل کی قیمتوں میں کمی کا پورا فائدہ عوام تک پہنچایا جائے گا۔ انہوں نے کہا کہ حکومت نے وعدہ کیا تھا کہ عالمی مارکیٹ میں قیمتوں میں کمی کا فائدہ عوام کو منتقل کیا جائے گا اور حکومت اپنے وعدے پر قائم ہے۔

وزیراعظم نے مزید کہا کہ عام آدمی کو ریلیف دینے کیلئے سبسڈی برقرار رکھی جائے گی، موٹرسائیکل سواروں، پبلک ٹرانسپورٹ اور مال بردار گاڑیوں کیلئے سبسڈی کی فراہمی جاری رہے گی۔

انہوں نے کہا کہ قیمتوں میں کمی کا اطلاق آج رات 12 بجے کے بعد ہوگا، جس سے عوام کو فوری ریلیف ملے گا۔

حکومت کا کہنا ہے کہ عالمی مارکیٹ میں تیل کی قیمتوں میں مزید کمی کی صورت میں عوام کو مزید ریلیف دیا جائے گا۔