ایرانی صدر کا امریکی عوام کے نام خط، کہا ایران امریکا کے لیے خطرہ نہیں

اپنے خط میں ایرانی صدر نے مؤقف اختیار کیا کہ ایران نے ہمیشہ دفاعی پالیسی اپنائی ہے، باوجود اس کے کہ ملک کو بیرونی حملوں کا سامنا رہا۔ انہوں نے کہا کہ ایرانی عوام کی امریکا، یورپ یا ہمسایہ ممالک کے عوام سے کوئی دشمنی نہیں ہے۔

مسعود پزشکیان نے مزید لکھا کہ دنیا کو “محاذ آرائی یا تعلقات” میں سے انتخاب کرنا ہوگا، اور یہی فیصلہ آنے والی نسلوں کے مستقبل کا تعین کرے گا۔ انہوں نے اپنے خط میں کسی ممکنہ جنگ بندی کا ذکر نہیں کیا۔

یہ خط ایک ایسے وقت میں سامنے آیا ہے جب ڈونلڈٹرمپ نے دعویٰ کیا تھا کہ ایران کے نئے صدر نے امریکا سے جنگ بندی کی درخواست کی ہے، تاہم انہوں نے اس حوالے سے کوئی تفصیلات فراہم نہیں کیں۔

دوسری جانب، ٹرمپ نے سوشل میڈیا بیان میں کہا کہ امریکا اسی وقت جنگ بندی پر غور کرے گا جب آبنائے ہرمز کو مکمل طور پر کھلا، آزاد اور محفوظ بنایا جائے۔ ان کے مطابق اس سے پہلے امریکا ایران کے خلاف اپنی سخت کارروائیاں جاری رکھے گا۔