کوئٹہ گلیڈی ایٹرز کی شاندار فتح، لاہور قلندرز کو 6 وکٹوں سے شکست
پاکستان سپر لیگ کے میچ میں کوئٹہ گلیڈی ایٹرز نے لاہور قلندرز کو 6 وکٹوں سے شکست دے دی، رائیلی روسو 60 اور حسن نواز 49 رنز کے ساتھ نمایاں رہے۔
(کراچی)پاکستان سپر لیگ کے 26ویں میچ میں کوئٹہ گلیڈی ایٹرز نے عمدہ آل راؤنڈ کارکردگی کا مظاہرہ کرتے ہوئے لاہور قلندرز کو 6 وکٹوں سے شکست دے دی۔
کوئٹہ گلیڈی ایٹرز نے 135 رنز کا ہدف 16.2 اوورز میں باآسانی حاصل کرتے ہوئے میچ میں مکمل برتری دکھائی۔
اس سے قبل لاہور قلندرز نے پہلے بیٹنگ کرتے ہوئے 19.5 اوورز میں 134 رنز بنائے۔ ٹیم کی بیٹنگ لائن خاطر خواہ کارکردگی نہ دکھا سکی، فخر زمان 20 اور عبداللہ شفیق 17 رنز بنا کر نمایاں رہے۔
حسیب اللہ خان 33 رنز کے ساتھ نمایاں رہے جبکہ اسامہ میر نے آخر میں جارحانہ انداز اپناتے ہوئے 22 رنز بنا کر ٹیم کے اسکور کو سہارا دیا۔
کوئٹہ گلیڈی ایٹرز کی جانب سے جہانداد خان اور عثمان طارق نے شاندار بولنگ کرتے ہوئے 3،3 وکٹیں حاصل کیں جبکہ الزاری جوزف نے 2 کھلاڑیوں کو آؤٹ کیا۔
ہدف کے تعاقب میں کوئٹہ گلیڈی ایٹرز کی ابتدا محتاط رہی، تاہم رائیلی روسو نے 60 رنز کی ناقابل شکست اننگز کھیل کر میچ کا رخ موڑ دیا۔
حسن نواز نے 49 رنز کی شاندار اننگز کھیلی جبکہ بیون جیکبز نے آخر میں 14 رنز بنا کر ٹیم کو فتح سے ہمکنار کیا۔
شائع ہوا: 17 اپریل، 2026 کو 05:56 PM
آخری تدوین: 17 اپریل، 2026
