ایران سے مثبت مذاکرات جاری، آبنائے ہرمز پر تشویش برقرار: ٹرمپ

(واشنگٹن) ڈونلڈ ٹرمپ نے کہا ہے کہ ایران کے ساتھ بہت اچھے مذاکرات جاری ہیں تاہم امریکا نے بات چیت میں سخت مؤقف اختیار کر رکھا ہے۔

امریکی صدر نے کہا کہ ایسا محسوس ہوتا ہے کہ ایران آبنائے ہرمز کو دوبارہ بند کرنا چاہتا ہے، لیکن ایران امریکا کو بلیک میل نہیں کر سکتا۔

ڈونلڈ ٹرمپ نے کہا کہ امریکا اب بھی ایرانی حکام سے بات چیت کر رہا ہے اور آج رات تک مزید معلومات سامنے آ سکتی ہیں۔ انہوں نے مزید کہا کہ دن کے اختتام تک آبنائے ہرمز کی صورتحال سے متعلق تفصیلات حاصل ہو جائیں گی۔

امریکی صدر نے کہا کہ یہ سمجھ نہیں آتا کہ امریکا نے ایران کا مقابلہ کرنے کیلئے 47 سال انتظار کیوں کیا۔

ٹرمپ نے مزید کہا کہ قاسم سلیمانی بہت سے امریکی فوجیوں کی ہلاکتوں اور معذوری کا ذمہ دار تھا، جس کا امریکا نے جواب دیا۔