فیلڈ مارشل عاصم منیر سے لبنانی آرمی چیف کی ملاقات، عسکری تعاون مضبوط بنانے پر اتفاق

آئی ایس پی آر کے مطابق جی ایچ کیو پہنچنے پر لبنانی مسلح افواج کے کمانڈر انچیف جنرل روڈولف ہیکل کو تینوں مسلح افواج کے چاق و چوبند دستے نے گارڈ آف آنر پیش کیا، ملاقات کے دوران باہمی دلچسپی کے امور، علاقائی سلامتی کے ماحول، دفاعی تعاون اور دوطرفہ فوجی تعلقات کو وسعت دینے کے امکانات پر تبادلہ خیال کیا، بات چیت میں دونوں ممالک کی مسلح افواج کے درمیان پیشہ ورانہ رابطوں، تربیتی تعاون اور ادارہ جاتی روابط کو مضبوط بنانے پر گفتگو کی گئی، فیلڈ مارشل سید عاصم منیر نے باہمی تعاون کی اہمیت پر زور دیتے ہوئے کہا کہ پاکستان لبنان کے ساتھ اپنے دیرینہ اور خوشگوار تعلقات کو خصوصی اہمیت دیتا ہے اور لبنانی مسلح افواج کے ساتھ دفاعی تعاون کو بڑھانے کے لئے پاک فوج کے لئے پر عزم ہے، جنرل روڈولف ہائکل نے پاکستان کی مسلح افواج کی پیشہ وارانہ اور آپریشنل مہارت کو سراہا اور علاقائی امن، استحکام اور بین الاقوامی امن کی کوششوں میں ان کے کردار کا اعتراف کیا، یہ دورہ دونوں مسلح افواج کے درمیان قریبی فوجی تعاون کو فروغ دینے کے مشترکہ عزم کی عکاسی کرتا ہے،،