سونے کی قیمت میں دوسرے روز بھی بڑا اضافہ، فی تولہ 4 لاکھ 96 ہزار روپے سے تجاوز
سونے کی قیمت میں ملک بھر میں مسلسل دوسرے روز بھی بڑا اضافہ ریکارڈ کیا گیا، جبکہ ایران اور امریکا کے درمیان متوقع ڈیل کے اثرات عالمی مارکیٹ پر بھی نمایاں نظر آ رہے ہیں۔
آل پاکستان صرافہ ایسوسی ایشن کے مطابق مقامی مارکیٹ میں فی تولہ سونے کی قیمت میں 7 ہزار 800 روپے کا بڑا اضافہ ہوا، جس کے بعد سونا 4 لاکھ 96 ہزار 762 روپے فی تولہ تک پہنچ گیا۔
اسی طرح 10 گرام سونے کی قیمت 6 ہزار 687 روپے اضافے کے بعد 4 لاکھ 25 ہزار 893 روپے ہو گئی، جبکہ فی تولہ Silver کی قیمت 373 روپے بڑھ کر 8 ہزار 445 روپے تک جا پہنچی۔
دوسری جانب عالمی مارکیٹ میں بھی سونے کی قیمت میں نمایاں اضافہ دیکھا گیا، جہاں 78 ڈالر اضافے کے بعد فی اونس سونا 4 ہزار 744 ڈالر پر ٹریڈ ہونے لگا۔
مارکیٹ ماہرین کے مطابق عالمی سیاسی صورتحال، ایران امریکا مذاکرات اور سرمایہ کاروں کی محفوظ سرمایہ کاری کی جانب بڑھتی توجہ کے باعث قیمتی دھاتوں کی قیمتوں میں اتار چڑھاؤ جاری ہے۔
شائع ہوا: 7 مئی، 2026 کو 01:57 PM
آخری تدوین: 7 مئی، 2026
