حیدرآباد کنگزمین کے محمد علی پر میچ فیس کا 10 فیصد جرمانہ عائد
حیدرآباد کنگزمین کے فاسٹ بولر محمد علی کو پی ایس ایل ایلیمنیٹر ٹو میں نامناسب رویے پر کوڈ آف کنڈکٹ کی خلاف ورزی کے باعث 10 فیصد میچ فیس جرمانہ کر دیا گیا۔
(لاہور) پاکستان کرکٹ بورڈ نے حیدرآباد کنگزمین کے فاسٹ بولر محمد علی پر میچ فیس کا 10 فیصد جرمانہ عائد کر دیا ہے۔
پی سی بی کے مطابق محمد علی نے کوڈ آف کنڈکٹ کے لیول ون کی خلاف ورزی کی۔ ایلیمنیٹر ٹو کے دوران انہوں نے اسلام آباد یونائیٹڈ کے ایک کھلاڑی کے ساتھ نامناسب رویہ اختیار کیا تھا۔
بورڈ کا کہنا ہے کہ کھلاڑی کے رویے کو کھیل کے ضابطہ اخلاق کے خلاف قرار دیتے ہوئے ان پر جرمانہ نافذ کیا گیا۔
واضح رہے کہ گزشتہ روز پاکستان سپر لیگ سیزن 11 کے ایلیمنیٹر ٹو میں سنسنی خیز مقابلے کے بعد حیدرآباد کنگزمین نے اسلام آباد یونائیٹڈ کو 2 رنز سے شکست دے کر فائنل کیلئے کوالیفائی کیا تھا۔
میچ کے دوران سخت مقابلے اور دباؤ کے باعث دونوں ٹیموں کے درمیان ماحول خاصا گرم رہا، تاہم حیدرآباد کنگزمین نے آخرکار کامیابی اپنے نام کر لی۔
شائع ہوا: 2 مئی، 2026 کو 08:23 AM
آخری تدوین: 2 مئی، 2026
