امریکا ایران مذاکرات میں بہتری، تیل کی قیمتوں میں کمی

امریکا اور ایران کے درمیان مذاکرات میں پیش رفت اور خام تیل کی سپلائی میں بہتری کے بعد عالمی منڈی میں تیل کی قیمتوں میں کمی آگئی۔

برینٹ خام تیل کی قیمت میں تقریباً 4 فیصد کمی ہوئی، جس کے بعد یہ 99 ڈالر فی بیرل پر آگیا، جبکہ ڈبلیو ٹی آئی 89 ڈالر فی بیرل پر ٹریڈ ہوتا دیکھا گیا۔

دوسری جانب اماراتی مربن خام تیل کی قیمت 108 ڈالر فی بیرل پر موجود رہی۔

ایرانی حکام نے مارچ میں امریکی حملوں سے متاثر ہونے والے پارس گیس فیلڈ کی بحالی کا بھی اعلان کیا ہے۔

ایرانی نائب وزیر تیل کے مطابق گیس فیلڈ کی نصف پیداواری صلاحیت دوبارہ فعال کردی گئی ہے، جس سے توانائی کی سپلائی میں مزید بہتری کی توقع ہے۔