مارچ 2026 میں اوورسیز پاکستانیوں کی ترسیلات 3 ارب 80 کروڑ ڈالربھیجے ، سعودی عرب سرفہرست

(کراچی)سٹیٹ بینک کے اعداد و شمار کے مطابق ماہانہ بنیاد پر ترسیلات زر میں 17 فیصد اضافہ ریکارڈ کیا گیا، تاہم سالانہ بنیاد پر 5.5 فیصد کمی سامنے آئی ہے۔ مشرق وسطیٰ میں کشیدہ صورتحال کے باوجود ترسیلات زر میں اضافہ مثبت پیش رفت قرار دیا جا رہا ہے۔

اعداد و شمار کے مطابق مارچ 2026 میں سب سے زیادہ ترسیلات سعودی عرب سے موصول ہوئیں، جہاں سے 92 کروڑ ڈالر وطن بھیجے گئے۔ متحدہ عرب امارات سے 82 کروڑ ڈالر جبکہ برطانیہ سے 59 کروڑ ڈالر موصول ہوئے۔

اسی طرح امریکا میں مقیم پاکستانیوں نے مارچ کے دوران 36 کروڑ ڈالر پاکستان منتقل کیے۔

سٹیٹ بینک کے مطابق رواں مالی سال کے ابتدائی 9 ماہ کے دوران مجموعی طور پر 30 ارب 30 کروڑ ڈالر کی ترسیلات زر موصول ہوئیں، جو گزشتہ مالی سال کے اسی عرصے کے مقابلے میں 8 فیصد زیادہ ہیں۔

ماہرین کے مطابق اوورسیز پاکستانیوں کی جانب سے ترسیلات زر میں اضافہ ملکی معیشت کیلئے مثبت اشارہ ہے اور زرمبادلہ کے ذخائر کو مستحکم بنانے میں مدد فراہم کرے گا