پینٹاگون کا امریکی دفاعی کمپنیوں کو ہتھیاروں کی پیداوار تیز کرنے کا حکم

(واشنگٹن )پینٹاگون نے امریکی دفاعی کمپنیوں کو ہتھیاروں اور گولہ بارود کی پیداوار تیز کرنے کی ہدایت کردی ہے تاکہ امریکی فوج کو مطلوبہ دفاعی سازوسامان کی جلد فراہمی یقینی بنائی جا سکے۔

امریکی اخبار واشنگٹن پوسٹ کے مطابق پینٹاگون نے دفاعی کمپنیوں سے کہا ہے کہ وہ ہتھیاروں کی ترسیل کی مقررہ تاریخیں مزید آگے لائیں اور امریکی فوج کو ہتھیار جلد فراہم کرنے کے لیے پیداواری عمل تیز کریں۔

کمپنیوں کو 21 دن کی مہلت

رپورٹ کے مطابق امریکی دفاعی کمپنیوں کو نئے پیداواری منصوبے جمع کرانے کے لیے 21 دن کی مہلت دی گئی ہے۔

پینٹاگون کی جانب سے ہتھیاروں اور گولہ بارود کی پیداوار میں تیزی لانے کی ہدایت ایسے وقت میں سامنے آئی ہے جب امریکی فوج کو دفاعی سازوسامان کی بروقت دستیابی یقینی بنانے کے لیے پیداواری صلاحیت میں اضافے پر توجہ دی جا رہی ہے۔

پینٹاگون نے دفاعی صنعت کو ہدایت کی ہے کہ وہ موجودہ پیداواری صلاحیت کو مؤثر انداز میں استعمال کرتے ہوئے ہتھیاروں کی تیاری اور ترسیل کے عمل کو تیز کرے۔