نیویارک میں اقوام متحدہ کے باہر سکھوں کا خالصتان خالصتان کے حق میں احتجاج

نیویارک: اقوام متحدہ کی جنرل اسمبلی کے اجلاس کے دوران سکھ مظاہرین نے اقوام متحدہ کے ہیڈکوارٹرز کے باہر احتجاجی مظاہرہ کیا۔ مظاہرین نے بھارتی حکومت اور وزیراعظم نریندر مودی کے خلاف نعرے لگائے اور خالصتان کے قیام سمیت پنجاب کی بھارت سے آزادی کا مطالبہ کیا۔

احتجاج کی قیادت ڈاکٹر بخشیش سنگھ سندھو نے کی۔ مظاہرین نے خالصتان کے پرچم اور پلے کارڈز اٹھا رکھے تھے اور سکھوں کے حقِ خودارادیت کے مطالبات پیش کیے۔

سکھ تنظیم Sikhs for Justice (SFJ) کی جانب سے 22 ستمبر کو اقوام متحدہ کے سیکریٹری جنرل، جنرل اسمبلی کے صدر اور رکن ممالک کو ایک قانونی یادداشت بھی جمع کرائی گئی تھی، جس میں پنجاب سے متعلق تنظیم کے سیاسی مطالبات اور حقِ خودارادیت کے مؤقف کو پیش کیا گیا۔