امریکہ میں روحانی اجتماع، پاکستانی سمیت مختلف کمیونٹیز کی شرکت
محمد نعیم اختر17 نومبر، 2026
امریکہ میں خصوصی روحانی اجتماع کا انعقاد، پیر محمد نعیم الدین شاہ بھیرہ شریف کا خدمتِ انسانیت، تعلیم کے فروغ اور فلاحی سرگرمیوں پر خصوصی خطاب
امریکہ میں منعقدہ ایک خصوصی روحانی و مذہبی اجتماع میں پاکستانی سمیت مختلف کمیونٹیز کے افراد نے بڑی تعداد میں شرکت کی۔ تقریب میں خواتین اور مردوں نے شرکت کرتے ہوئے روحانی تعلیمات، خدمتِ انسانیت اور علم کے فروغ کے عزم کا اظہار کیا۔

مہمانِ خصوصی ولی عہد صاحبزادہ پیر محمد نعیم الدین شاہ بھیرہ شریف نے خطاب کرتے ہوئے کہا کہ بھوکوں کو کھانا کھلانے اور ضرورت مندوں کی مدد کرنے کی طرح علم کی روشنی پھیلانا بھی عظیم نیکی ہے۔


انہوں نے کہا کہ ان کا مقصد اپنے بزرگوں کے علمی مشن کو دنیا بھر میں عام کرنا اور رنگ، نسل و مذہب کی تفریق کے بغیر انسانیت کی خدمت کرنا ہے۔ ان کے مطابق ان کا ادارہ پاکستان میں تعلیم کے ساتھ مستحق افراد کو خوراک، رہائش اور دیگر بنیادی سہولیات بھی فراہم کر رہا ہے۔

پیر محمد نعیم الدین شاہ نے اپنے خطاب کے اختتام پر زور دیا کہ ہر شخص کو ایسے نیک اور فلاحی کاموں میں حصہ لینا چاہیے جن کا اجر طویل عرصے تک جاری رہے۔



محمد نعیم اختر، واشنگٹن ڈی سی میں وائسز آف امریکا کیلئے بطور بیوروچیف فرائض انجام دے رہے ہیں
شائع ہوا: 17 نومبر، 2026 کو 05:11 AM
آخری تدوین: 17 نومبر، 2026



