وائسز آف امریکا
تازہ خبریں
تازہ ترین

امریکا اور کینیڈا کے درمیان تجارتی مذاکرات ناکام، کینیڈا کا بھی 50 فیصد ٹیرف کا اعلان

W
Web Desk
23 اگست، 2026
امریکا اور کینیڈا کے درمیان تجارتی مذاکرات ناکام، کینیڈا کا بھی 50 فیصد ٹیرف کا اعلان

امریکا اور کینیڈا کے درمیان تجارتی مذاکرات ناکام ہو گئے۔ کینیڈا نے امریکی اشیا پر 50 فیصد جوابی ٹیرف لگانے کا اعلان کر دیا، جبکہ امریکا کا کینیڈین مصنوعات پر 50 فیصد ٹیرف پہلے ہی نافذ ہے

امریکا اور کینیڈا کے درمیان تجارتی مذاکرات ناکام ہونے کے بعد دونوں ممالک کے درمیان تجارتی کشیدگی مزید بڑھ گئی ہے۔ کینیڈا نے امریکی مصنوعات پر جوابی طور پر 50 فیصد ٹیرف عائد کرنے کا اعلان کر دیا ہے۔

کینیڈین وزیراعظم مارک کارنے نے سماجی رابطے کی ویب سائٹ ایکس پر جاری بیان میں کہا کہ امریکا کے ساتھ تجارتی مذاکرات ختم کر دیے گئے ہیں۔ ان کے مطابق امریکی اشیا پر ڈالر کے بدلے ڈالر کے حساب سے جوابی ٹیرف عائد کیا جائے گا۔

مارک کارنے کا کہنا تھا کہ امریکا کی جانب سے مذاکرات کے آخری مرحلے میں شرائط تبدیل کرنا غیر منصفانہ اور ناقابل قبول ہے۔ انہوں نے واضح کیا کہ کینیڈا اپنے تجارتی مفادات کے تحفظ کے لیے ضروری اقدامات کرے گا۔

دوسری جانب امریکی تجارتی نمائندے جیمیسن گریئر نے مذاکرات کی ناکامی کی ذمہ داری کینیڈا پر عائد کرتے ہوئے مؤقف اختیار کیا کہ کینیڈا معاہدے کی طے شدہ شرائط سے پیچھے ہٹ گیا۔

خبر ایجنسی کے مطابق امریکا کی جانب سے کینیڈین مصنوعات پر عائد 50 فیصد ٹیرف پہلے ہی نافذ ہو چکا ہے۔ کینیڈا کی جانب سے جوابی ٹیرف کے اعلان کے بعد دونوں ممالک کے درمیان تجارتی کشیدگی میں مزید اضافے کا خدشہ ہے۔

تجارتی تنازع کے بڑھنے سے دونوں ممالک کے درمیان درآمدات و برآمدات، کاروباری اداروں اور صارفین پر بھی ممکنہ اثرات مرتب ہو سکتے ہیں۔

شیئر کریں:
W
Web Desk

Media Channel

شائع ہوا: 23 اگست، 2026 کو 02:31 AM

آخری تدوین: 23 اگست، 2026

متعلقہ مضامین

قطر اور جرمنی کا ایران سے حوثیوں کی حمایت ختم کرنے اور جوہری شفافیت بڑھانے کا مطالبہ
تازہ ترین

قطر اور جرمنی کا ایران سے حوثیوں کی حمایت ختم کرنے اور جوہری شفافیت بڑھانے کا مطالبہ

قطر اور جرمنی نے ایران سے جوہری پروگرام پر آئی اے ای اے کے ساتھ مکمل تعاون، حوثیوں کی حمایت ختم کرنے اور آبنائے ہرمز میں جہاز رانی کی آزادی یقینی بنانے کا مطالبہ کردیا

Web Desk22 نومبر، 2026
سندھ ایک ہے اور ایک رہے گا، نئے صوبوں کی بات کہاں سے آگئی؟ ناصر حسین شاہ
تازہ ترین

سندھ ایک ہے اور ایک رہے گا، نئے صوبوں کی بات کہاں سے آگئی؟ ناصر حسین شاہ

سندھ کے وزیر بلدیات ناصر حسین شاہ نے نئے صوبوں اور ریفرنڈم سے متعلق بیان دیتے ہوئے کہا ہے کہ سندھ ایک ہے اور ایک رہے گا، پیپلز پارٹی کو بائی پاس کرکے ریفرنڈم کرایا گیا تو عوام کے ساتھ کھڑے ہوں گے

Web Desk22 نومبر، 2026
موسمیاتی تبدیلی ہماری تہذیب اور تاریخی ورثے کے لیے بڑا خطرہ بن چکی ہے، مصدق ملک
تازہ ترین

موسمیاتی تبدیلی ہماری تہذیب اور تاریخی ورثے کے لیے بڑا خطرہ بن چکی ہے، مصدق ملک

وفاقی وزیر مصدق ملک نے نئی دہلی میں ایس سی او سویلائزیشن فورم سے خطاب کرتے ہوئے کہا کہ موسمیاتی تبدیلی پاکستان کی تہذیب اور تاریخی ورثے کے لیے بڑا خطرہ ہے، 2022 کے سیلاب سے موہنجو دڑو بھی متاثر ہوا۔

Web Desk22 نومبر، 2026