ٹرمپ نے سوشل میڈیا پر نان اسٹاپ اے آئی تصاویر اور ویڈیوز پوسٹ کردیں

امریکی صدر ڈونلڈ ٹرمپ نے اپنے سوشل میڈیا پلیٹ فارم ’ٹروتھ سوشل‘ پر مسلسل اے آئی سے تیار کردہ تصاویر اور ویڈیوز پوسٹ کردیں، جن میں انہیں مختلف انداز میں دکھایا گیا ہے۔

ٹرمپ کی جانب سے شیئر کی گئی ایک اے آئی تصویر میں وہ گھوڑے پر سوار دکھائی دیے، جبکہ ایک اور پوسٹ میں انہوں نے نیو میکسیکو کا نام تبدیل کرکے ’نیو امریکا‘ رکھنے کی تجویز دی۔

امریکی صدر نے ایک پوسٹ میں کہا کہ ’چاند ہمارا ہے‘، جبکہ ایک اے آئی تصویر میں انہیں روبوٹس کے ساتھ چلتے ہوئے دکھایا گیا۔ ایک اور پوسٹ میں انہوں نے خود کو ’عظیم صدر‘ بھی قرار دیا۔

ٹرمپ نے ’آبنائے ہرمز ہماری ہے‘ کے عنوان سے بھی ایک پوسٹ شیئر کی، جبکہ ایک اور پوسٹ میں ایران کو ’ناکام ریاست‘ قرار دیا۔

دوسری جانب وائٹ ہاؤس نے بھی صدر ٹرمپ کی ایک اے آئی ویڈیو شیئر کی، جس میں وہ سبز انگوٹھی اور سبز ٹائی پہنے نظر آئے۔

ٹرمپ کی جانب سے مسلسل سوشل میڈیا پوسٹس پر ڈیموکریٹک سوشل میڈیا انفلوئنسر ہیری سِسن نے تنقید کرتے ہوئے کہا کہ ٹرمپ کو آن لائن ’نفسیاتی دورہ‘ پڑا ہوا ہے۔