چینی صدر نے مشرقِ وسطیٰ میں امن کیلئے 4 نکاتی تجویز پیش کر دی
چینی صدر شی جن پنگ نے مشرقِ وسطیٰ میں امن و استحکام کیلئے 4 نکاتی تجویز پیش کرتے ہوئے خودمختاری کے احترام، سفارتکاری اور مشترکہ سیکیورٹی تعاون پر زور دیا۔
(بیجنگ) عرب میڈیا کے مطابق چینی صدر شی جن پنگ نے اپنی تجویز میں پرامن بقائے باہمی، ریاستوں کی خودمختاری کے احترام اور بین الاقوامی قوانین کی پاسداری کو بنیادی اصول قرار دیا۔ انہوں نے کہا کہ خطے میں پائیدار امن کیلئے سفارتی کوششوں کو فروغ دینا ضروری ہے۔
چینی صدر نے سیکیورٹی تعاون کو مضبوط بنانے کی ضرورت پر زور دیتے ہوئے کہا کہ مشرقِ وسطیٰ میں استحکام کیلئے علاقائی ممالک کے درمیان بہتر ہم آہنگی ناگزیر ہے۔ انہوں نے مزید کہا کہ خلیجی ممالک کی خودمختاری، سلامتی اور علاقائی سالمیت کا مکمل احترام کیا جانا چاہیے۔
شی جن پنگ نے کہا کہ تنازعات کے حل کیلئے مذاکرات اور سفارتکاری کو ترجیح دی جائے اور کشیدگی کم کرنے کیلئے مشترکہ حکمت عملی اختیار کی جائے۔
تجزیہ کاروں کے مطابق چین کی یہ پیشکش مشرقِ وسطیٰ میں اپنے سفارتی کردار کو مضبوط بنانے اور خطے میں امن کیلئے فعال کردار ادا کرنے کی کوشش کا حصہ ہے۔
Web Desk
Media Channel
شائع ہوا: 15 اپریل، 2026 کو 05:05 AM
آخری تدوین: 15 اپریل، 2026
