"میرے پاس وقت ہے، ایران کے پاس نہیں"ایرا ن کیخلاف جنگ میں جوہری ہتھیار استعمال نہیں کرینگے

امریکی صدر ڈونلڈ ٹرمپ نے ایران کے ساتھ جاری کشیدگی کے تناظر میں کہا ہے کہ امریکا ایران کے خلاف جنگ میں جوہری ہتھیار استعمال نہیں کرے گا۔ انہوں نے کہا کہ جوہری ہتھیار کسی کو بھی استعمال کرنے کی اجازت نہیں ہونی چاہیے۔

صدر ٹرمپ نے دعویٰ کیا کہ جنگ بندی کے دوران ایران ممکنہ طور پر اپنے ہتھیاروں کو دوبارہ منظم کر چکا ہوگا، تاہم امریکی فوج ایک دن میں ایرانی ہتھیاروں کو ختم کرنے کی صلاحیت رکھتی ہے۔ انہوں نے یہ بھی کہا کہ ایران کی جانب سے مائنز بچھانے والی کشتیوں کو تباہ کر دیا گیا ہے۔

معاشی اثرات پر بات کرتے ہوئے ٹرمپ کا کہنا تھا کہ امریکی عوام کو کچھ عرصے کے لیے گیس اور پٹرول کی قیمتوں میں اضافے کو برداشت کرنا ہوگا۔ ان کے مطابق یہ صورتحال موجودہ کشیدگی کا نتیجہ ہے۔

صدر نے مزید کہا کہ وہ ایران کے ساتھ فوری معاہدہ کر سکتے ہیں، تاہم وہ ایسا معاہدہ چاہتے ہیں جو مستقل اور دیرپا ہو۔ ان کا کہنا تھا کہ "میرے پاس وقت ہے، ایران کے پاس نہیں"، جبکہ انہوں نے یہ بھی دعویٰ کیا کہ ایران جنگ ختم کرنے کے لیے زیادہ بے چین نہیں ہے