عمران خان اور بشریٰ بی بی کی جیل میں ملاقات، 35 منٹ تک بات چیت

(راولپنڈی )جیل ذرائع کے مطابق عمران خان اور بشریٰ بی بی کی ملاقات جیل کے کانفرنس روم میں کرائی گئی۔ ملاقات کے دوران دونوں نے ایک دوسرے کی خیریت دریافت کی اور مختصر گفتگو بھی کی۔

ذرائع کے مطابق ملاقات جیل انتظامیہ کی نگرانی میں طے شدہ طریقہ کار کے تحت کروائی گئی۔ ملاقات کے دوران سکیورٹی کے سخت انتظامات کیے گئے تھے۔

جیل ذرائع کا مزید کہنا ہے کہ ملاقات پرامن ماحول میں مکمل ہوئی اور مقررہ وقت کے بعد بشریٰ بی بی کو واپس روانہ کر دیا گیا۔

واضح رہے کہ بانی پی ٹی آئی عمران خان مختلف مقدمات میں قید ہیں جبکہ بشریٰ بی بی بھی قانونی معاملات کا سامنا کر رہی ہیں۔