پاک ترکیہ افواج کے کمانڈو اور اسپیشل فورسز کی مشترکہ تربیتی مشقوں جناح 13 کا کامیابی سے انعقاد کیا گیا،

آئی ایس پی آر کے مطابق پاک فوج کے سپیشل سروسز گروپ اور ترکیہ کے کمانڈوز کے دستوں نے ساتھ مشقوں میں شرکت کی، جناح 13 کے تحت تربیتی سرگرمیاں انقرہ اور اسپارٹہ میں منعقد کی گئیں،

مشق نے تمام تربیتی اور عسکری سفارتی مقاصد کامیابی سے حاصل کئے، پاک ترک دستوں نے مشق کے دوران پیشہ ورانہ مہارت اور آپریشنل کارکردگی کے اعلیٰ ترین معیار کا مظاہرہ کیا،

جناح 13 مشق کا بنیادی مقصد انسدادِ دہشت گردی آپریشنز سے متعلقہ حربی مشقوں، طریقہ کار اور تکنیک کو مزید بہتر بنانا تھا، شہری علاقوں میں جنگی کارروائیوں اور دیسی ساختہ دھماکہ خیز مواد کے تلف کرنے پر مشترکہ تربیت کے ذریعے خصوصی توجہ دی گئی، جناح 13 مشق نے پاک ترک دیرینہ اور تاریخی عسکری تعلقات کو مزید مضبوط بنانے میں اہم کردار ادا کیا،،