اس بات کا امکان موجود ہے کہ امریکہ ایران کے خلاف اپنے حملے دوبارہ شروع کر دے: ٹرمپ

( واشنگٹن )ڈونلڈ ٹرمپ نے ایران سے متعلق ایک بار پھر سخت مؤقف اختیار کرتے ہوئے کہا ہے کہ ایران پر دوبارہ حملوں کے امکانات موجود ہیں۔

اپنے حالیہ بیانات میں انہوں نے کہا کہ ایران کی جانب سے نئی تجاویز پیش کی گئی ہیں جن کا وہ جلد جائزہ لیں گے، تاہم انہوں نے شکوک کا اظہار کرتے ہوئے کہا کہ یہ تصور کرنا مشکل ہے کہ یہ تجاویز قابل قبول ہوں گی۔

ڈونلڈ ٹرمپ کا کہنا تھا کہ امریکہ کی ایران کے ساتھ مذاکرات کرنے کی صلاحیت “لامحدود” ہے، لیکن کا نگریس کے بعض اراکین اس اختیار کو محدود کرنے کی کوشش کر رہے ہیں۔

انہوں نے مزید کہا کہ ایران کے خلاف جاری ناکہ بندی کو انہوں نے “دوستانہ ناکہ بندی” قرار دیا، جبکہ ایک اور اہم اعلان میں بتایا کہ جرمنی سے 5000 سے زائد امریکی فوجیوں کو واپس بلایا جائے گا۔

تجزیہ کاروں کے مطابق ان بیانات سے خطے میں کشیدگی بڑھنے کا خدشہ ہے اور امریکا اور ایران کے درمیان تعلقات مزید پیچیدہ ہو سکتے ہیں، جبکہ عالمی سطح پر سکیورٹی اور سفارتی صورتحال پر بھی اس کے اثرات مرتب ہونے کا امکان ہے۔