سونے کی قیمت میں بڑی کمی، فی تولہ سونا 2400 روپے سستا ہوگیا
عالمی مارکیٹ میں سونے کی قیمت میں 24 ڈالر فی اونس کمی کے بعد پاکستان میں بھی سونا سستا ہوگیا۔ فی تولہ سونے کی قیمت میں 2400 روپے جبکہ 10 گرام سونے کی قیمت میں 2058 روپے کی کمی ریکارڈ کی گئی۔ پاکستان میں فی تولہ سونے کی نئی قیمت 4 لاکھ 63 ہزار 136 روپے ہوگئی، جبکہ چاندی کے نرخ بھی کم ہوگئے
کراچی: عالمی مارکیٹ میں سونے کی قیمت میں کمی کے باعث پاکستان میں بھی سونے کے نرخ کم ہوگئے۔
بین الاقوامی بلین مارکیٹ میں سونے کی قیمت 24 ڈالر فی اونس کم ہوگئی، جس کے بعد سونے کی نئی عالمی قیمت 4 ہزار 406 ڈالر فی اونس کی سطح پر آگئی۔
عالمی قیمت میں کمی کے اثرات پاکستانی صرافہ بازاروں پر بھی پڑے، جہاں فی تولہ سونے کی قیمت میں 2 ہزار 400 روپے جبکہ 10 گرام سونے کی قیمت میں 2 ہزار 58 روپے کی کمی ریکارڈ کی گئی۔
کمی کے بعد پاکستان میں فی تولہ سونے کی قیمت 4 لاکھ 63 ہزار 136 روپے جبکہ 10 گرام سونے کی قیمت 3 لاکھ 97 ہزار 64 روپے ہوگئی۔
دوسری جانب چاندی کی قیمت میں بھی کمی دیکھی گئی۔ مقامی مارکیٹ میں فی تولہ چاندی کی قیمت 39 روپے کم ہوکر 7 ہزار 59 روپے جبکہ 10 گرام چاندی کی قیمت 34 روپے کمی کے بعد 6 ہزار 51 روپے کی سطح پر آگئی۔
شائع ہوا: 7 ستمبر، 2026 کو 01:04 PM
آخری تدوین: 7 ستمبر، 2026
