شوکت یوسفزئی نے پی ٹی آئی رہنماؤں کی ناراضگی کی تصدیق کر دی، حکومت کو کوئی خطرہ نہیں

شاور: پاکستان تحریک انصاف (پی ٹی آئی) کے رہنما شوکت یوسفزئی نے پارٹی کے بعض رہنماؤں کی ناراضگی کی تصدیق کرتے ہوئے کہا ہے کہ ناراضگی کا مطلب ہرگز یہ نہیں کہ کوئی الگ گروپ بن رہا ہے، جبکہ صوبائی حکومت کو بھی اس صورتحال سے کوئی خطرہ نہیں۔

شوکت یوسفزئی نے کہا کہ وزیراعلیٰ خیبر پختونخوا چند ناراض افراد کو منانے کی کوشش کر رہے ہیں اور پارٹی رہنماؤں کے درمیان صرف چھوٹے چھوٹے مسائل موجود ہیں۔

انہوں نے کہا کہ پارٹی کے اندر اختلافات یا تحفظات سیاسی جماعتوں میں معمول کی بات ہیں اور انہیں جلد حل کر لیا جائے گا۔ ان کے مطابق موجودہ صورتحال کو کسی بڑے بحران یا گروپ بندی سے جوڑنا درست نہیں۔

شوکت یوسفزئی کا کہنا تھا کہ وزیراعلیٰ خیبر پختونخوا علی امین گنڈا پور نے بانی پی ٹی آئی کی ہدایت پر استعفیٰ دیا تھا۔ اگر بانی پی ٹی آئی اور علی امین گنڈا پور کے درمیان کسی قسم کی غلط فہمی موجود ہے تو وہ بھی جلد دور ہو جائے گی۔

انہوں نے اس امید کا اظہار کیا کہ پارٹی قیادت باہمی مشاورت کے ذریعے تمام تحفظات ختم کر کے تنظیمی معاملات کو مزید مضبوط بنائے گی۔