وائسز آف امریکا
تازہ خبریں
امریکا

پاکستان کا غزہ میں عالمی قانون کی پاسداری یقینی بنانے، کشمیریوں کے حقِ خودارادیت کا اعادہ

W
Web Desk
3 اکتوبر، 2026
پاکستان کا غزہ میں عالمی قانون کی پاسداری یقینی بنانے، کشمیریوں کے حقِ خودارادیت کا اعادہ

اقوام متحدہ میں پاکستان کے نائب مستقل مندوب عثمان جدون نے غزہ میں شہریوں کے تحفظ، بلا رکاوٹ انسانی امداد اور عالمی قانون کی پاسداری یقینی بنانے پر زور دیا۔ انہوں نے فلسطینی عوام کے حقِ خودارادیت کی حمایت کا اعادہ کرتے ہوئے کہا کہ یہی اصول جموں و کشمیر کے عوام پر بھی لاگو ہوتا ہے

نیویارک: اقوام متحدہ میں پاکستان کے نائب مستقل مندوب عثمان جدون نے غزہ میں شہریوں کے تحفظ، بلا رکاوٹ انسانی امداد کی فراہمی اور عالمی قانون کی پاسداری یقینی بنانے پر زور دیا ہے۔

اقوام متحدہ میں اپنے بیان میں عثمان جدون نے کہا کہ انسانی حقوق کے نظام کی ساکھ اصولوں اور ان پر عملدرآمد کے درمیان خلیج ختم کرنے سے جڑی ہے۔ عالمی قانون اور انسانی حقوق کے اصول ایک جگہ لاگو اور دوسری جگہ نظر انداز کرنا قابل قبول نہیں۔

انہوں نے کہا کہ غزہ میں فلسطینیوں کی مصیبت عالمی برادری کے انسانی حقوق سے عزم کا فیصلہ کن امتحان ہے۔ پاکستان فلسطینی عوام کے ناقابل تنسیخ حقِ خودارادیت کی حمایت کا اعادہ کرتا ہے اور یہی اصول جموں و کشمیر کے عوام پر بھی لاگو ہوتا ہے۔

عثمان جدون نے کہا کہ کشمیری عوام تقریباً آٹھ دہائیوں سے اقوام متحدہ کی سلامتی کونسل کی قراردادوں پر عملدرآمد کے منتظر ہیں۔

پاکستانی نائب مستقل مندوب نے اسلاموفوبیا، نسل پرستی اور اجنبی بیزاری کے بڑھتے ہوئے رجحانات کا مقابلہ کرنے کی ضرورت پر بھی زور دیا۔ ان کا کہنا تھا کہ انسانی وقار کا انحصار کسی شخص کے مذہب، قومیت یا شناخت پر نہیں ہونا چاہیے۔

انہوں نے کہا کہ عالمی برادری کو انسانی حقوق سے متعلق وعدوں اور زمینی حقائق کے درمیان خلیج ختم کرنا ہوگی۔ وقار کا تعین طاقت سے نہیں، انصاف سیاست سے مشروط نہیں اور ترقی کوئی مراعات نہیں۔

عثمان جدون نے زور دیا کہ انسانی حقوق کے اصولوں کا عالمگیر اور بلاامتیاز اطلاق یقینی بنایا جانا چاہیے۔

شیئر کریں:
W
Web Desk

Media Channel

شائع ہوا: 3 اکتوبر، 2026 کو 05:18 AM

آخری تدوین: 3 اکتوبر، 2026

متعلقہ مضامین

ٹرمپ انتظامیہ کا گرین کارڈ پروگرام پر نئی پابندیوں کا منصوبہ، غیر ملکی کارکن متاثر ہوں گے
امریکا

ٹرمپ انتظامیہ کا گرین کارڈ پروگرام پر نئی پابندیوں کا منصوبہ، غیر ملکی کارکن متاثر ہوں گے

ٹرمپ انتظامیہ نے PERM گرین کارڈ پروگرام مزید سخت کرنے کی تجویز پیش کردی۔ نئی پابندیوں سے غیر ملکی ہنرمند کارکنوں، نرسوں، سائنس دانوں اور ٹیکنالوجی کمپنیوں کے لیے امریکی گرین کارڈ کا حصول مشکل ہوسکتا ہے

Web Desk17 نومبر، 2026
ایران کے خلاف فوجی کارروائیاں ختم کرنا بھی آپشن ہے: جے ڈی وینس
امریکا

ایران کے خلاف فوجی کارروائیاں ختم کرنا بھی آپشن ہے: جے ڈی وینس

امریکی نائب صدر جے ڈی وینس کا کہنا ہے کہ ایران کے خلاف فوجی کارروائیاں ختم کرنا بھی ٹرمپ کے آپشنز میں شامل ہے۔ امریکا ایران جنگ کو طویل تنازع نہیں بننے دے گا

Web Desk17 نومبر، 2026
چین سے ایرانی تیل کی خریداری بند کرنے کا مطالبہ کریں گے؟ ٹرمپ نے جواب دینے سے گریز کیا
امریکا

چین سے ایرانی تیل کی خریداری بند کرنے کا مطالبہ کریں گے؟ ٹرمپ نے جواب دینے سے گریز کیا

امریکی صدر ڈونلڈ ٹرمپ نے چین سے ایران کا تیل خریدنا بند کرنے کا مطالبہ کرنے سے متعلق سوال کا جواب دینے سے گریز کیا۔ شی جن پنگ سے ملاقات کے ایجنڈے پر بھی تفصیلات بتانے سے انکار کر دیا

Web Desk17 نومبر، 2026