عالمی و مقامی مارکیٹ میں سونے کی قیمتوں میں بڑا اضافہ
عالمی اور مقامی مارکیٹوں میں سونے کی قیمتوں میں کمی کے بعد آج ایک بار پھر نمایاں اضافہ ریکارڈ کیا گیا ہے، جس کے باعث صرافہ بازاروں میں سونا مزید مہنگا ہوگیا۔
(کراچی )بین الاقوامی مارکیٹ میں فی اونس سونے کی قیمت میں 30 ڈالر کا اضافہ ریکارڈ کیا گیا جس کے بعد سونے کی نئی قیمت 4 ہزار 753 ڈالر کی سطح پر پہنچ گئی۔
عالمی مارکیٹ میں اضافے کے اثرات پاکستان کی مقامی صرافہ مارکیٹوں پر بھی دیکھنے میں آئے جہاں 24 قیراط فی تولہ سونے کی قیمت 3 ہزار روپے اضافے کے بعد 4 لاکھ 97 ہزار 662 روپے ہوگئی۔
اسی طرح 10 گرام سونے کی قیمت 2 ہزار 572 روپے اضافے سے بڑھ کر 4 لاکھ 26 ہزار 664 روپے کی سطح پر پہنچ گئی۔
دوسری جانب چاندی کی قیمتوں میں بھی اضافہ ریکارڈ کیا گیا، فی تولہ چاندی 130 روپے اضافے کے بعد 8 ہزار 14 روپے ہوگئی جبکہ 10 گرام چاندی کی قیمت 111 روپے اضافے سے 6 ہزار 870 روپے تک پہنچ گئی۔
ماہرین کے مطابق عالمی مارکیٹ میں اتار چڑھاؤ اور سرمایہ کاری کے رجحان میں تبدیلی کے باعث قیمتی دھاتوں کی قیمتوں میں اضافہ دیکھا جا رہا ہے۔
Web Desk
Media Channel
شائع ہوا: 10 اپریل، 2026 کو 01:13 PM
آخری تدوین: 10 اپریل، 2026
