ایرانی پاسداران انقلاب نے ریاض میں امریکی سفارتخانے پر حملے کی تردید کر دی

(تہران/ریاض ) پاسداران انقلاب کی جانب سے جاری بیان میں کہا گیا کہ 3 مارچ کو ریاض میں امریکی سفارتخانے پر ہونے والے حملے کو ایران سے جوڑنا بے بنیاد ہے۔ بیان میں دعویٰ کیا گیا کہ یہ کارروائی صیہونی عناصر کی سازش ہے تاکہ خطے میں کشیدگی کو بڑھایا جا سکے۔

میڈیا رپورٹس کے مطابق حملے کے نتیجے میں سفارتخانے کی عمارت کو نقصان پہنچا، جبکہ امریکی اخبار کے مطابق دھماکے سے سفارتخانے کی تین منزلوں کو نقصان پہنچا تھا۔

دوسری جانب ایرانی فوج نے دعویٰ کیا ہے کہ اصفہان میں ایک اور امریکی ڈرون کو مار گرایا گیا ہے۔ ایرانی حکام کے مطابق ایم کیو ون ڈرون کو فضائی دفاعی نظام کے ذریعے تباہ کیا گیا۔

ایرانی فوج نے مزید دعویٰ کیا کہ اب تک مجموعی طور پر امریکا کے 160 ڈرونز کو تباہ کیا جا چکا ہے، تاہم ان دعوؤں کی آزاد ذرائع سے تصدیق نہیں ہو سکی۔