میرے نمائندے مذاکرات کے لیے پیر کی تک اسلام آباد پہنچ جائیں گے، صدر ٹرمپ

(واشنگٹن)ڈونلڈ ٹرمپ نے تصدیق کی ہے کہ ایران کے ساتھ مذاکرات کیلئے امریکی نمائندے کل اسلام آباد پہنچ جائیں گے۔

امریکی صدر نے اپنے پیغام میں کہا کہ ان کی ٹیم مذاکرات کیلئے اسلام آباد جا رہی ہے اور کل شام تک وہاں موجود ہوگی۔ انہوں نے کہا کہ امریکا ایران کو ایک منصفانہ اور قابل قبول پیشکش دے رہا ہے اور امید ہے کہ ایران اس پر مثبت جواب دے گا۔

ڈونلڈ ٹرمپ نے کہا کہ اگر معاہدہ نہ ہوا تو امریکا سخت اقدامات کرے گا۔ ان کے مطابق اگر ایران نے معاہدہ قبول نہ کیا تو اسے ہتھیار ڈالنے پر مجبور کیا جائے گا اور اب وقت آ گیا ہے کہ ایران کی لڑائی ختم کی جائے۔

امریکی صدر نے مزید کہا کہ اگر ڈیل نہ ہوئی تو وہ وہ اقدامات کریں گے جو گزشتہ 47 برسوں میں کسی امریکی صدر نے نہیں کیے۔ انہوں نے واضح کیا کہ اب ایران کے معاملے میں کوئی نرمی نہیں برتی جائے گی۔

ٹرمپ نے دعویٰ کیا کہ ایران نے آبنائے ہرمز بند کرنے کا فیصلہ کیا ہے جبکہ امریکی ناکہ بندی کے باعث ایران کو بھاری مالی نقصان ہو رہا ہے۔ ان کے مطابق بندرگاہ بند ہونے سے ایران کو تقریباً 500 ملین ڈالر کا نقصان ہو رہا ہے۔